शेतातील गोठ्याला भीषण आग; शेती साहित्य, पिके जळून खाक

मारेगाव (प्रतिनिधी):
मारेगाव तालुक्यातील धामणी शिवारात नामदेव गावंडे यांच्या शेतातील शेड (गोठा) ला भीषण आग लागून मोठे नुकसान झाले आहे.

मिळालेल्या माहितीनुसार, या आगीत शेतातील कांदे, लसूण, कडधान्य तसेच कोंबड्या, स्प्रिंकलर पाईप, झटका मशीन आणि इतर शेतीसाठी उपयोगी साहित्य पूर्णतः जळून खाक झाले. दुर्दैवाने या घटनेत त्यांचा पाळीव कुत्राही मृत्युमुखी पडला.

🔍 आग लागण्याचे कारण अस्पष्ट

ही आग तीव्र उष्णतेमुळे लागली की इतर काही कारण आहे, याबाबत अद्याप स्पष्टता नाही. याबाबत शेतकरी महादेव गावंडे यांनी महसूल विभागाकडे निवेदन दिले आहे.

📝 पंचनामा सुरू

घटनेची माहिती मिळताच महसूल अधिकारी उत्तम निलावाड यांनी घटनास्थळी भेट देऊन नुकसानग्रस्त साहित्याचा पंचनामा केला असून पुढील तपास सुरू आहे.

👉 या आगीत शेतकऱ्याचे मोठे आर्थिक नुकसान झाले असून शासनाकडून तात्काळ मदतीची मागणी करण्यात येत आहे.