पाथरी (प्रतिनिधी) :
पाथरी ग्रामीण रुग्णालयात काल प्रथमच गरजू रुग्णाला रक्त देण्यात आले. यापूर्वी रक्ताची गरज भासल्यास रुग्णांना खाजगी रुग्णालये किंवा जिल्हा सामान्य रुग्णालय, परभणी येथे जावे लागत असे.
वैद्यकीय अधीक्षक म्हणून डॉ. जनार्दन गोळेगावकर यांनी पदभार स्वीकारल्यानंतर रुग्णालयात मोठे बदल घडवून आणले असून, कर्मचारी शिस्त, ड्रेस कोड सक्ती आणि वेळेवर उपचार यावर विशेष भर देण्यात आला आहे. त्यामुळे आता रुग्णांना 24 तास तत्काळ प्राथमिक उपचार मिळू लागले आहेत.
रुग्णालयात लवकरच डायलिसिस सुविधा सुरू करण्यासाठीही प्रयत्न सुरू असून, यासाठी जिल्हा शल्य चिकित्सक डॉ. नागेश लखमावार यांचे प्रशासकीय सहकार्य मिळत असल्याचे सांगण्यात आले.
या सेवांमध्ये डॉ. संदीप धबाले, डॉ. राजेंद्र जाधव, डॉ. महाजन, डॉ. डोली, डॉ. हर्षल देशमुख, डॉ. इक्कर यांच्यासह अधिसेविका पाटील सिस्टर, शोभा गुडमे सिस्टर, प्रशांत दळवी ब्रदर, अरुण गव्हाणे ब्रदर तसेच फार्मासिस्ट सलीम सर यांचे महत्त्वपूर्ण योगदान आहे.
या बदलांमुळे पाथरी ग्रामीण रुग्णालय राज्यात आदर्श ठरेल, अशी अपेक्षा नागरिकांकडून व्यक्त केली जात आहे.
