पुणे महापालिकेकडून १२ अनधिकृत शाळांची यादी जाहीर; पालकांनी सावध राहण्याचे आवाहन

पुणे | प्रतिनिधी

पुणे महानगरपालिकेच्या प्राथमिक शिक्षण विभागाने शहरातील अनधिकृत शाळांची यादी जाहीर करत पालकांना महत्त्वाचे आवाहन केले आहे. सन २०२६-२७ या शैक्षणिक वर्षात या शाळांमध्ये विद्यार्थ्यांना प्रवेश देऊ नये, अन्यथा विद्यार्थ्यांचे शैक्षणिक नुकसान होऊ शकते, असा इशारा प्रशासनाने दिला आहे.

महापालिकेच्या माहितीनुसार, संबंधित शाळा शासनमान्यता नसताना कार्यरत असल्याचे निदर्शनास आले आहे. त्यामुळे पालकांनी प्रवेश घेण्यापूर्वी शाळेची मान्यता तपासूनच निर्णय घ्यावा, असे सांगण्यात आले आहे.

अनधिकृत शाळांची यादी :

1. न्यू मिलेनियम स्टार इंग्लिश मिडीयम स्कूल – चिंतामणी नगर, बिबवेवाडी
2. महात्मा गांधी प्रशाला – संजय पार्क, येरवडा
3. टीम्स तकवा इस्लामिक स्कूल अँड मक्तब – NIBM रोड, कोंढवा
4. सेंट व्ह्यू इंटरनॅशनल स्कूल – कोंढवा बु.
5. इमॅन्युअल पब्लिक स्कूल – महमंदवाडी रोड, हडपसर
6. आकांक्षा अॅकॅडमी स्कूल – लोहगाव
7. एलोरा मेडिकल अँड एज्युकेशन फाउंडेशन आर्यन पब्लिक स्कूल – नांदे, पुणे
8. लेगसी हाय स्कूल – अश्रफ नगर, कोंढवा
9. शिबली नोमानी इंग्लिश मिडीयम School – अश्रफ नगर, कोंढवा
10. ऑर्चिड द इंटरनॅशनल स्कूल – उंड्री
11. ग्लोबल एज्युकेशन ट्रस्ट पुणे इकरा इस्लामिक स्कूल – कौसरबाग, कोंढवा
12. ग्लोबल इंग्लिश मिडीयम स्कूल – आंबेगाव बु., पुणे
13. आर्यन वर्ल्ड स्कूल – उंड्री, पुणे

महापालिकेच्या प्राथमिक शिक्षण विभागाने स्पष्ट केले आहे की, अनधिकृत शाळांमध्ये प्रवेश घेतल्यास विद्यार्थ्यांच्या शिक्षणावर परिणाम होऊ शकतो. त्यामुळे पालकांनी कोणत्याही आकर्षक जाहिरातींना बळी न पडता शाळेची अधिकृत मान्यता तपासावी.

प्रशासकीय अधिकारी, प्राथमिक शिक्षण विभाग, पुणे महानगरपालिका यांनी ही माहिती प्रसिद्धीस दिली आहे.