कणकवली | प्रतिनिधी
भारतीय जनता पक्षाचे ज्येष्ठ नेते तथा नवनिर्वाचित विधान परिषद आमदार प्रमोद जठार हे विधान परिषदेवर बिनविरोध निवड झाल्यानंतर प्रथमच ७ आणि ८ मे रोजी सिंधुदुर्ग जिल्ह्याच्या दौऱ्यावर येणार आहेत. या दोन दिवसीय दौऱ्यात ते जिल्ह्यातील आठही तालुक्यांना भेट देऊन पक्ष पदाधिकारी, कार्यकर्ते आणि नागरिकांशी संवाद साधणार आहेत.
आमदार जठार यांच्या आगमनामुळे भाजप कार्यकर्त्यांमध्ये उत्साहाचे वातावरण निर्माण झाले असून विविध ठिकाणी स्वागताची जय्यत तयारी करण्यात आली आहे.
दौऱ्याचे वेळापत्रक
दिनांक ७ मे २०२६
- सकाळी १०:०० वा. — दोडामार्ग भाजपा कार्यालय
- सकाळी ११:३० वा. — सावंतवाडी भाजपा कार्यालय
- दुपारी १:०० वा. — वेंगुर्ला भाजपा कार्यालय
- सायंकाळी ४:०० वा. — कुडाळ भाजपा कार्यालय
- सायंकाळी ६:०० वा. — मालवण भाजपा कार्यालय
यानंतरचा वेळ राखीव ठेवण्यात आला आहे.
८ मे २०२६
- सकाळी १०:३० वा. — देवगड भाजपा कार्यालय
- सकाळी ११:३० वा. — पडेल भाजपा कार्यालय
- दुपारी १:०० वा. — वैभववाडी भाजपा कार्यालय
- सायंकाळी ३:३० वा. — कणकवली ग्रामीण भाजपा कार्यालय
- सायंकाळी ५:०० वा. — कणकवली शहर भाजपा कार्यालय
- सायंकाळी ६:३० वा. — तळेरे गावात सत्कार समारंभ
विधान परिषद आमदार म्हणून निवड झाल्यानंतरचा हा पहिलाच जिल्हा दौरा असल्याने कार्यकर्त्यांमध्ये विशेष उत्साह असून, या दौऱ्याच्या माध्यमातून प्रमोद जठार हे तळागाळातील कार्यकर्त्यांशी थेट संवाद साधणार आहेत.
