| उमरखेड प्रतिनिधी
उमरखेड तालुक्यातील सुकळी जहागीर ग्रामपंचायतीच्या सरपंचपदी सौ. श्रद्धा झानेश्वर बोके यांची बिनविरोध निवड झाल्याने गावात आनंदाचे व उत्साहाचे वातावरण निर्माण झाले आहे. निवडणूक निर्णय अधिकाऱ्यांनी अधिकृत प्रमाणपत्र प्रदान करून त्यांच्या निवडीची औपचारिक घोषणा केली.
महिला नेतृत्वाला प्राधान्य देत सुकळी जहागीर ग्रामस्थांनी एकमताने महिला सरपंचांची निवड केल्याने ग्रामविकासाच्या नव्या पर्वाची सुरुवात झाल्याची भावना नागरिकांमध्ये व्यक्त होत आहे. गावाच्या सर्वांगीण विकासासाठी प्रामाणिकपणे काम करण्याचा निर्धार नवनिर्वाचित सरपंच सौ. श्रद्धा बोके यांनी व्यक्त केला.
या प्रसंगी श्रीमती संगीताताई दशरथराव वानखेडे (मा. पंचायत समिती सदस्य), श्री खुबीमियाजी काजी (मा. सरपंच), श्री दिलीपराव वानखेडे (ता. उपाध्यक्ष काँग्रेस कमिटी), झानेश्वर कनवळे (सोसायटी अध्यक्ष तथा ग्रामपंचायत सदस्य), बशीर भाई (मा. उपसरपंच), डॉ. आयुबखा पठाण (मा. ग्रामपंचायत सदस्य), लक्ष्मीकांत गंगणे (शिवसेना शिंदे गट संघटक), संतोषराव वानखेडे (काँग्रेस विभाग प्रमुख), गजानन वानखेडे (विभागप्रमुख शिवसेना उबाठा), अब्दुल हमीद, शेख रईस, सादिक भाई, अब्बास भाई, फसी काजी, नवी भाई, गणेश मारोती वानखेडे, शेख अजगर (ग्रामपंचायत सदस्य), राहुल दशरथराव वानखेडे, हरेंद्र राठोड, आदिनाथ वानखेडे, सुनील बाडोराव, गजानन सावळे, गफार शेख इब्राहिम, कपिल वानखेडे, मतीन मिसरी, बबुल भाई, निसार, स्वराज वानखेडे, मुस्ताक तसेच गावातील प्रतिष्ठित नागरिक मोठ्या संख्येने उपस्थित होते.
नवनिर्वाचित सरपंच सौ. श्रद्धा झानेश्वर बोके यांच्यावर सर्व स्तरातून अभिनंदनाचा वर्षाव होत असून, त्यांच्या नेतृत्वाखाली सुकळी जहागीर ग्रामपंचायत विकासाच्या नव्या उंचीवर पोहोचेल, असा विश्वास ग्रामस्थांनी व्यक्त केला.
