“मानवत नगर परिषद हद्दीत एकूण ११ वार्ड असून त्यामध्ये ६६ गटांची निर्मिती करण्यात आली आहे”
परभणी प्रतिनिधी :
जनगणना-२०२७ च्या पहिल्या टप्प्यात घरगणना करण्यात येणार असून, या कामासाठी मानवत नगर परिषद चार्ज अंतर्गत १३ पर्यवेक्षक व ७२ प्रगणक (राखीवसह) अशा एकूण ८५ शिक्षकांची नियुक्ती करण्यात आली आहे.
सदर जनगणना प्रक्रियेसाठी सर्व पर्यवेक्षक व प्रगणक यांना ३ मे ते ८ मे २०२६ दरम्यान प्रशिक्षण देण्याचे काम सुरू असून, दि. ५ मे रोजी पहिल्या बॅचचे प्रशिक्षण यशस्वीरित्या पार पडले. या प्रशिक्षणासाठी फिल्ड ट्रेनर म्हणून डॉ. बी. एस. गीते व डॉ. के. बी. पटोले, प्राध्यापक, के. के. एम. कॉलेज मानवत यांनी मार्गदर्शन केले.
प्रशिक्षणादरम्यान दि. ४ मे रोजी सकाळच्या सत्रात मा. श्रीमती अनुराधा ढालकरी, निवासी उपजिल्हाधिकारी तथा जिल्हा जनगणना अधिकारी परभणी तसेच अल्ताफ सय्यद, जनगणना कार्यालय परभणी यांनी प्रशिक्षण स्थळी भेट दिली. तसेच मा. श्री संदीप कुलकर्णी, जनगणना जिल्हा समन्वयक यांनी दुपारच्या सत्रात भेट देऊन पाहणी केली.
दि. ५ मे रोजी मा. श्रीमती अनिता भालेराव, उपजिल्हाधिकारी (सा. प्र.वि.) जिल्हाधिकारी कार्यालय परभणी तथा मानवत तालुका जनगणना नोडल अधिकारी यांनी प्रशिक्षणास भेट देऊन मार्गदर्शन केले.
सर्व अधिकाऱ्यांनी प्रशिक्षण हॉल, पर्यवेक्षक व प्रगणकांची १०० टक्के उपस्थिती तसेच उपलब्ध सुविधांबाबत समाधान व्यक्त केले.
सदर प्रशिक्षणाचे आयोजन श्रीमती कोमल सावरे, मुख्याधिकारी तथा चार्ज अधिकारी, नगर परिषद मानवत यांच्या मार्गदर्शनाखाली करण्यात आले आहे. यावेळी शेख जुनेद शेख उस्मान (जनगणना तांत्रिक सहाय्यक), श्री भारत पवार (जनगणना विभाग प्रमुख), श्री पंकज पवार (जनगणना लिपिक), श्री वसीम शेख (स्वच्छ महाराष्ट्र अभियान), श्री सोनाजी काळे, भगवान बारटक्के, अलीम अंसारी आदी उपस्थित होते.
जनगणना-२०२७ च्या पहिल्या टप्प्यातील घरगणनेचे काम शहरातील नागरिकांनी आपल्या मोबाईलद्वारे स्व-गणना पद्धतीने दि. १ ते १५ मे २०२६ या कालावधीत करण्याचे आवाहन प्रशासनाने केले आहे.
