दुधनी, दि. ०७
“डॉ. बाबासाहेब आंबेडकर यांच्यासह सर्व महापुरुषांच्या विचारधारा आणि राष्ट्रप्रेम हीच बहुजन समाजाची खरी संपत्ती आहे,” असे प्रतिपादन रिपाइं (आठवले) चे सोलापूर जिल्हा उपाध्यक्ष Saidappa Jhalaki यांनी केले.
अक्कलकोट तालुक्यातील दुधनी येथे सालाबादप्रमाणे यंदाही डॉ. बाबासाहेब आंबेडकर जयंती उत्साहात साजरी करण्यात आली. कार्यक्रमाच्या प्रारंभी बाबासाहेब आंबेडकरांच्या प्रतिमेचे पूजन नगराध्यक्ष प्रथमेश म्हेत्रे आणि प्रगतीशील शेतकरी शंकर भांजी यांच्या हस्ते करण्यात आले. यानंतर सामूहिक बुद्धवंदनेने कार्यक्रमाची सुरुवात झाली.
यावेळी प्रथमेश म्हेत्रे, माने साहेब, सैदप्पा झळकी, निंगप्पा निंबाळ, सचिन लोड्डेन आदी मान्यवरांनी मनोगत व्यक्त केले. तसेच “प्रत्येक घरी संविधान” या उपक्रमांतर्गत संविधानाच्या प्रतींचे वितरण नगराध्यक्ष प्रथमेश म्हेत्रे व नगरसेवक बसवराज बसवनकेरी यांच्या हस्ते करण्यात आले.
कार्यक्रमास प्रगतीशील शेतकरी युवानेते शंकर भांजी, उद्योगपती लक्ष्मण सोनकांबळे, रिपई जिल्हा उपाध्यक्ष सैदप्पा झळकी, श्रीकांत भांजी, गुरुशांत मगी, मार्केट कमिटी संचालक इराण दासडे, रिपाई दुधनी शहराध्यक्ष गोरख दोडमणी, पत्रकार निंगप्पा निंबाळ तसेच जयंती उत्सव समितीचे पदाधिकारी व गावातील नागरिक मोठ्या संख्येने उपस्थित होते.
