ढोराळे : प्रतिनिधी
शिवशक्ती बहुउद्देशीय सेवा संस्था, जामगाव संचलित कै. शहाजीराव काकडे प्रशाला, ढोराळे या प्रशालेने इयत्ता दहावीच्या परीक्षेत शंभर टक्के निकालाची परंपरा कायम राखत उल्लेखनीय यश संपादन केले आहे.
यामध्ये समर्थ बाबासाहेब काकडे याने ८७ टक्के गुण मिळवत प्रथम क्रमांक पटकावला. श्रेयश शशिकांत काकडे याने ८४ टक्के गुणांसह द्वितीय क्रमांक, तर ऋतुराज आबासाहेब सर्वदे याने ८० टक्के गुण मिळवत तृतीय क्रमांक प्राप्त केला.
या घवघवीत यशाबद्दल सर्व यशस्वी विद्यार्थ्यांचे, प्रशालेतील शिक्षक व शिक्षकेतर कर्मचाऱ्यांचे ग्रामस्थांतर्फे हार्दिक अभिनंदन करण्यात येत आहे.
सर्व यशस्वी विद्यार्थ्यांना ग्रामस्थ तसेच सारथी न्यूज परिवारातर्फे पुढील शैक्षणिक वाटचालीसाठी हार्दिक शुभेच्छा देण्यात आल्या आहेत.
