शिरूर : प्रतिनिधी
रांजणगाव गणपती ता. शिरूर जि. पुणे मंडल अंतर्गत पिंपरी दुमाला, वाघाळे, गणेगाव, खंडाळे, भांबर्डे आदी महसुली गावांतील खातेदार व ग्रामस्थांसाठी ‘मा. छत्रपती शिवाजी महाराज महाराजस्व समाधान शिबिर अभियान’ अंतर्गत विशेष शिबिराचे आयोजन करण्यात आले आहे.
हे शिबिर दि. १५ मे २०२६ रोजी सकाळी १०.३० ते सायंकाळी ५.०० वाजेपर्यंत रांजणगाव गणपती येथील मोरया मंगल कार्यालयात पार पडणार आहे.
या शिबिरामध्ये शासनाचे विविध विभाग एकाच छताखाली उपलब्ध राहणार असून नागरिकांना विविध शासकीय योजनांचा लाभ घेता येणार आहे. तसेच महसूल खात्यामधील रेशनिंग कार्ड संदर्भातील कामे, संजय गांधी योजना, उत्पन्न दाखला, रहिवासी दाखला आदी कामांसाठी सुविधा उपलब्ध करून देण्यात येणार आहेत.
तरी संबंधित गावांतील नागरिकांनी मोठ्या संख्येने उपस्थित राहून शिबिराचा लाभ घ्यावा, असे आवाहन मा. तहसीलदार, शिरूर तसेच मंडल अधिकारी, रांजणगाव गणपती यांच्या वतीने करण्यात आले आहे.
