राजुरा प्रतिनिधी
राजुरा-बामणी रस्त्यावरील वर्धा नदीच्या पुलावरून एका महिलेने उडी मारल्याची घटना समोर आली आहे. सुदैवाने संबंधित महिला जिवंत असून तिला तातडीने उपचारासाठी उपजिल्हा रुग्णालय, राजुरा येथे दाखल करण्यात आले आहे.
सध्या महिला बेहोश अवस्थेत असून तिची ओळख अद्याप पटलेली नाही. त्यामुळे संबंधित महिलेला कोणी ओळखत असल्यास किंवा तिच्या नातेवाईकांची माहिती असल्यास तातडीने उपजिल्हा रुग्णालय, राजुरा येथे संपर्क साधण्याचे आवाहन करण्यात आले आहे.
घटनेची माहिती मिळताच स्थानिक नागरिकांनी आणि प्रशासनाने तत्काळ मदतकार्य करून महिलेला रुग्णालयात दाखल केले. पुढील तपास सुरू आहे.
