ऐतवडे बुद्रुक | प्रतिनिधी
सांगली जिल्ह्यातील ऐतवडे बुद्रुक (ता. वाळवा) येथे आयोजित करण्यात आलेली भव्य दिव्य बैलगाडा शर्यत उत्साहपूर्ण आणि शिस्तबद्ध वातावरणात पार पडली. सकाळी ९ वाजता सुरू झालेल्या या स्पर्धेला परिसरातील शेकडो शेतकरी, बैलगाडा शौकिन आणि रसिक प्रेक्षकांनी मोठ्या संख्येने उपस्थिती लावली.
या कार्यक्रमाचे विशेष आकर्षण म्हणजे विविध मान्यवरांची उपस्थिती होती. यावेळी आमदार सदाभाऊ खोत, आमदार सत्यजित भाऊ देशमुख, जिल्हाध्यक्ष सम्राटबाबा महाडिक तसेच जिल्हा परिषद सदस्य जयराज पाटील दादा उपस्थित होते.
स्पर्धेतील विजेत्यांना सम्राटबाबा महाडिक यांच्या शुभहस्ते रोख रक्कम व आकर्षक बक्षिसांचे वितरण करण्यात आले. विविध गटांमध्ये झालेल्या चुरशीच्या शर्यतींमुळे उपस्थित प्रेक्षकांना थरार अनुभवायला मिळाला.
उत्कृष्ट नियोजन, सुरळीत आयोजन आणि शिस्तीचे काटेकोर पालन यामुळे हा कार्यक्रम सर्वार्थाने यशस्वी ठरला. कार्यक्रमाच्या यशस्वीतेसाठी आयोजक मंडळ, ग्रामस्थ आणि स्वयंसेवकांचे सर्व स्तरातून विशेष कौतुक करण्यात आले.
