प्रतिनिधी नेवासा :
मतदारसंघातील शिवसेना पदाधिकाऱ्यांची आढावा बैठक राज्याचे उद्योग व मराठी भाषा मंत्री तथा शिवसेना अहिल्यानगर जिल्हा संपर्क मंत्री उदय सामंत यांच्या अध्यक्षतेखाली नेवासाफाटा येथे उत्साहपूर्ण वातावरणात पार पडली. यावेळी नेवासा तालुक्याचे आ. विठ्ठलराव लंघे यांनी प्रमुख उपस्थितीत सहभाग घेत शिवसेना पदाधिकाऱ्यांशी संवाद साधला.
झालेल्या आढावा बैठकीत संघटनात्मक बळकटी, बूथस्तरापर्यंत कार्यकर्त्यांचे जाळे अधिक सक्षम करण्याची दृष्टीने पुढील नियोजन, आगामी निवडणुकांच्या पार्श्वभूमीवर रणनीती तसेच शासनाच्या विविध लोक कल्याणकारी योजनांचा लाभ मतदारसंघातील प्रत्येक नागरिकापर्यंत प्रभावीपणे पोहोचविण्याबाबत सखोल चर्चा करण्यात आली.
शिवसेना पक्ष बळकट करण्यासाठी पदाधिकारी, शिवसैनिक घेत असलेली मेहनत आणि कार्यतत्परता निश्चितच कौतुकास्पद असून शिवसेना मुख्य नेते ना.एकनाथ शिंदे, ना. उदय सामंत, खा. डॉ. श्रीकांत शिंदे यांचे मार्गदर्शनाखाली शिवसेनेची ताकद अधिक वृद्धिंगत करण्याचा निर्धार यावेळी करण्यात आला.
बैठक प्रसंगी शिर्डी लोकसभा मतदार संघातील शिवसेनेचे माजी खा. सदाशिव लोखंडे, नितीन औताडे, संजीव भोर, उद्योजक प्रभाकर शिंदे, नेवासा नगरपंचायतचे नगराध्यक्ष डॉ. करणसिंह घुले, नेवासा विधानसभा प्रमुख भाऊसाहेब वाघ, संपर्क प्रमुख बाळासाहेब पवार, महिला आघाडी प्रमुख शोभाताई आलवणे यांच्यासह, शिवसेनेचे नगरसेवक व पदाधिकारी उपस्थित होते.
