अक्कलकोट | प्रतिनिधी | दि. ०९
दक्षिण सोलापूर तालुका महाराष्ट्र राज्य दिव्यांग कर्मचारी संघटना वर्ग १ ते ४ चे अध्यक्ष रामकृष्ण जाधव आणि प्रहार दिव्यांग क्रांती संघटनेचे दुधनी शहराध्यक्ष बसवणपा कोतली यांच्या हस्ते श्री छत्रपती शिवाजी महाराज सर्वोपचार रुग्णालय, सोलापूर येथील वैद्यकीय अधीक्षक डॉ. एस. एस. तोडकर यांचा सत्कार करण्यात आला.
दिव्यांग बांधवांच्या विविध समस्या समजून घेत तातडीने सहकार्य करणारे अधिकारी म्हणून डॉ. तोडकर यांचे कौतुक करण्यात आले. एवढ्या मोठ्या पदावर कार्यरत असूनही त्यांचा स्वभाव मितभाषी, मनमिळावू आणि सर्वसामान्यांशी जिव्हाळ्याने वागणारा असल्याचे गौरवोद्गार बसवणपा कोतली यांनी यावेळी काढले.
दिव्यांगांच्या प्रश्नांबाबत संवेदनशीलता दाखवत त्यांच्या अडचणी सोडवण्यासाठी डॉ. तोडकर नेहमीच तत्पर असतात, अशी भावना उपस्थितांनी व्यक्त केली.
या प्रसंगी रुग्णालयाचे वरिष्ठ लिपिक वासिम खान, चंद्रशेखर चितली, रामकृष्ण जाधव आदी मान्यवर उपस्थित होते.
