आज “मदर्स डे” निमित्त एकच सांगावंसं वाटतं..
आपण आयुष्यात कितीही मोठे झालो, कितीही पैसा कमावला, कितीही यश मिळवलं… तरी आईचे उपकार कधीच फेडू शकत नाही. विचार करा तुम्ही जेव्हा अगदी लहान बाळ होता, तेव्हा तुम्ही रडत असाल, आजारी पडत असाल, रात्र रात्र झोपत नसाल, तेव्हा तुम्हाला काहीच कळत देखील नव्हतं. पण त्या प्रत्येक क्षणी तुमची आई मात्र जागी होती. तुमच्या एका छोट्याशा वेदनेने तिचं मन सैरभैर व्हायचं, तुमच्या आजाराने तिची रात्रभर झोप उडायची.
तुम्हाला चालायला शिकवणारी, बोलायला शिकवणारी, हे सुंदर जग दाखवणारी आई, मोठं झाल्यावर मात्र काही मुलं स्वतःला खूप शहाणी समजू लागतात आणि आईलाच किरकोळ समजू लागतात, हीच आजची सर्वात मोठी शोकांतिका आहे.
ज्या आईने स्वतःच्या वेदना सहन करून नऊ महिने आपल्याला पोटात वाढवलं, रात्रभर जागून आपल्यासाठी आयुष्य घालवलं, स्वतःच्या इच्छा बाजूला ठेवून आपल्या चेहऱ्यावरचं हास्य जपलं… त्या आईसाठी एक दिवसाचा “स्टेटस” किंवा फोटो महत्वाचा नाही.
आईला फक्त सोशल मीडियावर पोस्ट करून प्रेम दाखवू नका, तर तिच्या जिवंतपणी तिच्या सोबत उभे रहा. तिच्याशी दोन प्रेमाचे शब्द बोला, तिची विचारपूस करा, तिच्या भावना समजून घ्या.
आजकाल एक दुर्दैवी वास्तव हे दिसतंय की,
लग्नानंतर काही मुलं पत्नी आणि आई यांच्यात समतोल साधण्याऐवजी आईलाच दूर करतात. पण लक्षात ठेवा, पत्नी आयुष्यात नंतर येते… पण आईने जन्मापासून शेवटपर्यंत फक्त तुमच्यासाठीच जगलेलं असतं.
याचा अर्थ पत्नी चुकीची आणि आई बरोबरच असे नाही पण, दोघींमध्ये समजूतदारपणे समतोल राखणं ही मुलाची जबाबदारी आहे.
घरात शांतता हवी असेल तर कोण बरोबर आणि कोण चूक यापेक्षा दोघीही आपल्या आहेत ही भावना महत्त्वाची आहे.
ज्या आई-वडिलांनी आपल्या लेकरांसाठी संपूर्ण आयुष्य झिजवलं, त्यांना म्हातारपणी एकटं सोडणं, वृद्धाश्रमात ठेवणं किंवा त्यांच्या भावनांकडे दुर्लक्ष करणं… यापेक्षा मोठं पाप नाही.
कारण वेळ प्रत्येकाची येते…
आज तुम्ही तरुण आहात, उद्या तुम्हीही आई-वडील होणार आहात.
तुमची मुलं तुमच्याशी कसं वागतील, हे बऱ्याचदा तुम्ही तुमच्या आई-वडिलांशी कसं वागता यावर ठरतं.
म्हणून…
आई-वडिलांना ओझं समजू नका,
त्यांना वेळ द्या… प्रेम द्या… आदर द्या…
कारण त्यांच्या जाण्यानंतर त्यांच्या फोटोपुढे रडून काहीच उपयोग नसतो.
आई जिवंत असेपर्यंत तिचा हात हातात घ्या,
तिच्या चेहऱ्यावर हास्य ठेवा…
कारण देव दिसत नाही, पण आई या रूपात देव प्रत्येकाच्या घरी असतो,
सर्व मातांना आणि मातृप्रेम जपणाऱ्या प्रत्येकाला
“मदर्स डे”च्या खूप खूप शुभेच्छा..
😊तुमचाच,😊
ॲड.आविनाश चिकटे
“जिल्हा व सत्र न्यायालय पुणे”
Whatsapp-9923237287
