दौंड प्रतिनिधी :
दि. ८ मे रोजी राज्यातील दहावीचा निकाल ऑनलाईन पद्धतीने जाहीर झाला. यामध्ये दौंड तालुक्यातील खानवटे येथील कै. बी. व्ही. राजेभोसले माध्यमिक विद्यालयाचा इयत्ता दहावी (एस.एस.सी.) फेब्रुवारी-मार्च २०२६ बोर्ड परीक्षेचा निकाल १०० टक्के लागला आहे. विद्यार्थ्यांनी दैदिप्यमान यश संपादन करत विद्यालयाची उज्ज्वल परंपरा कायम राखली.
विद्यालयातून कु. प्रणिती संदीप पानसरे हिने ८९.६० टक्के गुण मिळवत प्रथम क्रमांक पटकावला. कु. सुप्रिया शरद धायतोंडे हिने ८०.६० टक्के गुणांसह द्वितीय क्रमांक, तर कु. पायल कालिदास नगरे हिने ७९ टक्के गुण मिळवत तृतीय क्रमांक प्राप्त केला.
ग्रामीण भागातही दर्जेदार शिक्षण, शिस्तबद्ध वातावरण आणि शिक्षकांचे सातत्यपूर्ण मार्गदर्शन यामुळे हे यश शक्य झाल्याची भावना ग्रामस्थांनी व्यक्त केली. विद्यार्थ्यांच्या या यशामुळे पालकांमध्ये समाधानाचे वातावरण असून संपूर्ण खानवटे गावात आनंद साजरा केला जात आहे.
विद्यार्थ्यांच्या यशाबद्दल विद्यालयाचे शिक्षक, पालक आणि ग्रामस्थांकडून अभिनंदनाचा वर्षाव होत आहे.
