टेंभुर्णी प्रतिनिधी :
नवभारत शिक्षण संस्था संचालित श्रीमती जे.बी.के. विद्यालयाचा शैक्षणिक वर्ष २०२६ च्या दहावी बोर्ड परीक्षेचा निकाल ७३.३३ टक्के लागला असून यंदाही विद्यालयाने उज्वल निकालाची परंपरा कायम राखली आहे.
यावर्षी इयत्ता दहावीच्या बोर्ड परीक्षेसाठी एकूण २२५ विद्यार्थी प्रविष्ट झाले होते. त्यापैकी १६५ विद्यार्थी उत्तीर्ण झाले आहेत. विशेष प्राविण्यासह प्रथम श्रेणीत २० विद्यार्थी तर प्रथम श्रेणीत ४२ विद्यार्थी उत्तीर्ण झाले आहेत.
विद्यालयातून कु. श्वेता बालासाहेब घुगे हिने ९२.४० टक्के गुण मिळवत प्रथम क्रमांक पटकावला. कु. श्रावणी सुनील डोमाळे हिने ९१ टक्के गुणांसह द्वितीय क्रमांक मिळविला. कु. ईश्वरी ज्ञानेश्वर गोरे हिने ८९.६० टक्के गुण मिळवत तृतीय क्रमांक पटकावला. कु. वेदिका रवींद्र उजेड हिने ८९ टक्के गुणांसह चौथा तर सार्थक प्रदीप खजाने याने ८८.८० टक्के गुण मिळवत पाचवा क्रमांक मिळविला.
या यशाबद्दल नवभारत शिक्षण संस्थेचे अध्यक्ष संजय काबरा, जमीर अमीर शेख, सचिव सत्यनारायण, कोषाध्यक्ष सुभाष राठी, ज्येष्ठ संचालक मधुकरराव निकम, संचालक विश्वनाथ सांगोळे, दत्ता देशमुख, प्रदीप काबरा, प्रदीप मुळे आदींनी गुणवंत विद्यार्थ्यांचे अभिनंदन करून पुढील वाटचालीस शुभेच्छा दिल्या.
