विक्रमगड प्रतिनिधी :
विक्रमगड तालुक्यात उपजीविका तसेच शेती विषयक काम करणाऱ्या विविध स्वयंसेवी संस्थांची (एनजीओ) सामायिक आढावा बैठक कृषी विभाग, विक्रमगड येथे दि. १२ मे २०२६ रोजी संपन्न झाली. या बैठकीस माननीय कृषी अधिकारी श्री. जगदीश दोंदे उपस्थित होते.
बैठकीमध्ये तालुक्यात कार्यरत असलेल्या एकूण नऊ संस्थांनी सहभाग घेतला. विविध संस्था शेतकऱ्यांसाठी कोणत्या गावांमध्ये आणि कोणत्या प्रकारची कामे करत आहेत, याबाबत सविस्तर आढावा घेण्यात आला.
यावेळी कृषी विभागाच्या विविध योजना, उपक्रम तसेच शासकीय लाभ अधिकाधिक शेतकऱ्यांपर्यंत प्रभावीपणे पोहोचावेत यासाठी संस्थांमध्ये समन्वय वाढवून संयुक्तपणे काम करण्याबाबत सकारात्मक चर्चा करण्यात आली.
कृषी विभाग आणि विविध स्वयंसेवी संस्थांच्या सहकार्याच्या माध्यमातून भविष्यात अधिकाधिक शेतकऱ्यांपर्यंत पोहोचून त्यांना शासकीय योजनांचा लाभ मिळवून देण्याचा मानस यावेळी व्यक्त करण्यात आला.
