कन्नड तालुका प्रतिनिधी :
तालुक्यातील शिक्षण क्षेत्रात अग्रेसर असलेल्या जिजामाता शिक्षण प्रसारक संस्थेच्या कर्मवीर काकासाहेब देशमुख विद्यालयात इयत्ता दहावीमध्ये उत्कृष्ट गुण मिळवून उत्तीर्ण झालेल्या विद्यार्थ्यांचा तसेच त्यांच्या पालकांचा शाळेच्या वतीने सत्कार करण्यात आला.
यंदाच्या शालांत परीक्षेत विद्यालयाचा निकाल ९०.८३ टक्के इतका उच्चांकी लागला असून विद्यालयाने यशाची परंपरा कायम राखली आहे. त्यामुळे सर्व स्तरातून विद्यालयाचे कौतुक होत आहे.
विद्यालयातील गुणवंत विद्यार्थ्यांमध्ये साक्षी विजय राठोड हिने ९०.८० टक्के गुण मिळवत प्रथम क्रमांक पटकावला. गौरी नंदकुमार अकोलकर हिने ९०.४० टक्के गुणांसह द्वितीय, तर प्रीती भाऊसाहेब पगारे हिने ९०.२० टक्के गुण मिळवत तृतीय क्रमांक मिळवला. तसेच अरशीन फहीम शेख (८८%), भाग्यश अंकुश पवार (८६.६०%), आरती बैनाडे (८५.२०%), अनिकेत किशोर अकोलकर (८४.८०%), कार्तिकी गणेश घुले (८४.२०%) आणि सृष्टी अर्जुन जाधव (८४%) यांनीही उल्लेखनीय यश संपादन केले.
या सर्व गुणवंत विद्यार्थ्यांचा त्यांच्या पालकांसह सत्कार करण्यात आला. यावेळी संस्थेचे सचिव सागर जाधव, मुख्याध्यापक रविंद्र पाटील, आनंद बागुल, प्रदीप सनंसे, देवीदास चौधरी, सुनील पाटील, सचिन चव्हाण यांच्यासह अनेक मान्यवर उपस्थित होते.
कार्यक्रमात विद्यार्थ्यांच्या यशाबद्दल अभिनंदन करण्यात आले तसेच त्यांच्या पुढील शैक्षणिक वाटचालीस शुभेच्छा देण्यात आल्या.
