सोलापूर प्रतिनिधी
केंद्रीय रस्ते व महामार्ग मंत्री मा. नितीन गडकरी यांच्या पालखी मार्ग पाहणी दौऱ्यानिमित्त माळशिरस तालुक्यातील घुलेनगर येथे भेट देण्यात आली. यावेळी राजमाता अहिल्यादेवी होळकर यांनी संवर्धन केलेल्या ऐतिहासिक व पुरातन विहिरीची पाहणी करण्यात आली.
या वेळी ऐतिहासिक आणि सांस्कृतिक वारसा जतन करण्याच्या दृष्टीने सकारात्मक चर्चा झाली. विहिरीचे संवर्धन, जतन आणि भविष्यातील पिढ्यांसाठी अशा ऐतिहासिक वास्तूंचे संरक्षण करणे ही आपली सामूहिक जबाबदारी असल्याचे मत मान्यवरांनी व्यक्त केले.
इतिहासाची साक्ष देणाऱ्या या वास्तू भविष्यातील पिढ्यांसाठी प्रेरणादायी ठरतील, असा विश्वासही यावेळी व्यक्त करण्यात आला.
याप्रसंगी खासदार धैर्यशील मोहिते पाटील, युवा नेते जीवन जानकर तसेच पंचायत समिती सभापती दत्ता (भैय्या) मगर उपस्थित होते.
