येवला / प्रतिनिधी
बुधवार दि. १३ मे २०२६ रोजी सायंकाळी सुमारे ५ वाजून ५० मिनिटांच्या सुमारास आलेल्या जोरदार वादळी वाऱ्यामुळे येवला-मनमाड रोडवरील कासारखेडे येथील बनकर पाटील पेट्रोल पंपासमोरील एक चहाचे हॉटेल उडून गेल्याची घटना घडली.
मिळालेल्या माहितीनुसार, सुनील चंदन यांचे चहाचे हॉटेल वादळी वाऱ्याच्या तडाख्यात अक्षरशः हवेत उडाले आणि काही अंतरावरील सचिन आवारे यांच्या शेतात जाऊन पडले. या घटनेत हॉटेलचे मोठ्या प्रमाणात नुकसान झाले आहे.
सुदैवाने या घटनेत कोणतीही जीवितहानी झाली नसली तरी अचानक आलेल्या वादळी वाऱ्यामुळे परिसरातील नागरिकांमध्ये भीतीचे वातावरण निर्माण झाले होते.
