मिसिंग लिंक परिसरात मध्यरात्रीची घटना
प्रतिनिधी :
मुंबई :
मुंबई-पुणे एक्सप्रेसवेवरील मिसिंग लिंक परिसरात मध्यरात्री भीषण अपघात झाल्याची घटना समोर आली आहे. भरधाव वेगातील कारचा गंभीर अपघात होऊन वाहनाचा अक्षरशः चक्काचूर झाला.
अपघात इतका भीषण होता की कारमध्ये एक तरुण अडकून पडला होता. घटनेची माहिती मिळताच स्थानिक नागरिक, पोलिस आणि बचाव पथक घटनास्थळी दाखल झाले. क्रेनच्या सहाय्याने कारमध्ये अडकलेल्या तरुणाला बाहेर काढण्यासाठी शर्थीचे प्रयत्न करण्यात आले.
जखमी तरुणाला तातडीने जवळच्या रुग्णालयात उपचारासाठी दाखल करण्यात आले असून त्याच्यावर उपचार सुरू असल्याची माहिती मिळत आहे.
अपघातानंतर काही काळ एक्सप्रेसवेवरील वाहतुकीवर परिणाम झाला होता. पोलिसांनी घटनास्थळी पोहोचून वाहतूक सुरळीत करण्याचे काम केले.
प्राथमिक माहितीनुसार, भरधाव वेग आणि वाहनावरील नियंत्रण सुटल्याने हा अपघात झाल्याचा अंदाज व्यक्त करण्यात येत आहे. या घटनेनंतर एक्सप्रेसवेवरील सुरक्षिततेचा मुद्दा पुन्हा एकदा चर्चेत आला आहे.
दरम्यान, अपघाताचा व्हिडिओ सोशल मीडियावर मोठ्या प्रमाणात व्हायरल होत असून पोलिसांकडून पुढील तपास सुरू आहे.
