98.79 टक्के निकालाची परंपरा कायम; विद्यार्थ्यांवर अभिनंदनाचा वर्षाव
जळकोट : प्रतिनिधी
जळकोट शहरातील श्री गुरुदत्त उच्च माध्यमिक विद्यालयाने यंदाही आपल्या उत्कृष्ट निकालाची परंपरा कायम राखत 98.79 टक्के निकालाची नोंद केली आहे. विद्यार्थ्यांच्या मेहनत, जिद्द, चिकाटी आणि शिक्षकांच्या मार्गदर्शनामुळे विद्यालयाने हे यश संपादन केले आहे.
यंदाच्या निकालात 43 विद्यार्थी विशेष प्राविण्यासह उत्तीर्ण झाले असून 28 विद्यार्थी प्रथम श्रेणीत तर 10 विद्यार्थी द्वितीय श्रेणीत उत्तीर्ण झाले आहेत.
विद्यालयातील गुणवंत विद्यार्थ्यांमध्ये समीक्षा रामकिशन वंजे हिने 100 टक्के गुण मिळवत प्रथम क्रमांक पटकावला. अक्षद अतुलसिंह चौहान याने 99.60 टक्के गुणांसह द्वितीय क्रमांक मिळवला, तर स्वरा सुचित रॉयवार हिने 98 टक्के गुण मिळवत तृतीय क्रमांक प्राप्त केला.
या सर्व यशस्वी विद्यार्थ्यांचे श्री महेश शिक्षण संस्थेचे अध्यक्ष डॉ. अशोकरावजी सागवीकर, सचिव महेशरावजी पाटील, संचालक मंडळ तसेच विद्यालयाचे मुख्याध्यापक येरणाळे सर यांनी अभिनंदन केले.
तसेच विद्यालयातील शिक्षक केंद्रे, तोडकरी, आडे, कांबळे, कुलकर्णी सर, सौ. पंडित मॅडम व इतर शिक्षक व कर्मचाऱ्यांनी विद्यार्थ्यांचे कौतुक करून पुढील वाटचालीस शुभेच्छा दिल्या.
विद्यार्थ्यांच्या उज्ज्वल यशामुळे जळकोट परिसरात आनंदाचे वातावरण निर्माण झाले असून गुणवंत विद्यार्थ्यांवर अभिनंदनाचा वर्षाव होत आहे.
