जळकोट : प्रतिनिधी
जळकोट येथील रहिवासी बाबा हसनखा पठाण यांनी आपल्या मेहनत, जिद्द आणि चिकाटीच्या जोरावर मुलीचा विवाह मोठ्या उत्साहात पार पाडत समाजासमोर प्रेरणादायी उदाहरण निर्माण केले आहे.
बाबा पठाण हे मागील २२ वर्षांपासून रिक्षाचालक म्हणून काम करत असून आपल्या कुटुंबाचा उदरनिर्वाह प्रामाणिकपणे करत आहेत. अत्यंत साध्या परिस्थितीत संसार सांभाळत त्यांनी दोन मुले आणि एका मुलीचे संगोपन केले. रिक्षा चालविताना त्यांनी अनेक गोरगरीब लोकांनाही मदतीचा हात दिला आहे.
त्यांची कन्या सानिया पठाण हिचा विवाह जांब येथील हाफिज इमरान शेख यांच्यासोबत मोठ्या आनंदात आणि उत्साहपूर्ण वातावरणात संपन्न झाला. विवाह सोहळ्यास नातेवाईक, मित्रपरिवार आणि नागरिक मोठ्या संख्येने उपस्थित होते.
कष्टाच्या जोरावर मुलीचा विवाह थाटामाटात पार पाडल्याबद्दल बाबा पठाण यांचे परिसरातून कौतुक होत असून नवदाम्पत्यावर शुभेच्छांचा वर्षाव होत आहे.
“लिताजा आप जनाब की शिरफ महफिले अक्द व तआमे का आरजुमंद…” या शब्दांत उपस्थितांनी नवदाम्पत्याला शुभेच्छा दिल्या.
सानिया पठाण आणि हाफिज इमरान शेख या नवदाम्पत्यास पुढील वैवाहिक जीवनासाठी मनःपूर्वक शुभेच्छा. 🙏
