संत कान्हुराज महाराज व भैरवनाथ महाराजांच्या पुण्यभूमीत भक्तिमय वातावरण
केंदूर | वार्ताहर
केंदूर पऱ्हाडवाडी येथे श्री संत कान्हुराज महाराज व भैरवनाथ महाराज यांच्या पुण्यभूमीत अधिकमासनिमित्त श्रीमद भागवत कथेचे भव्य आयोजन करण्यात आले आहे.
ही कथा दि. १८ मे २०२६ ते २५ मे २०२६ दरम्यान पार पडणार असून दररोज सायंकाळी ६ ते ९ या वेळेत कथा होणार आहे. त्यानंतर महाप्रसादाचे आयोजन करण्यात आले आहे.
या धार्मिक सोहळ्यासाठी आळंदी येथील प्रसिद्ध कथाप्रवक्ते श्री संतोषानंदजी शास्त्री हे मार्गदर्शन करणार आहेत. तसेच सोमवार दि. २५ मे रोजी रात्री ९ ते ११ या वेळेत ह.भ.प. अमृताश्रम महाराज जोशी यांचे काल्याचे कीर्तन आयोजित करण्यात आले आहे.
या कार्यक्रमाचे आयोजन श्री प्रमोद साहेब पऱ्हाड (माजी सरपंच, श्री क्षेत्र केंदूर व उद्योजक) आणि सौ. सविताताई पऱ्हाड (माजी आदर्श सरपंच, माजी उपसभापती पंचायत समिती शिरूर) यांनी केले आहे.
कार्यक्रमाचे नियोजन केंदूर पऱ्हाडवाडी येथील तरुण कार्यकर्त्यांकडून करण्यात येत असून, संपूर्ण केंदूर व पंचक्रोशीत भक्तिमय आणि आनंदाचे वातावरण निर्माण झाले आहे.
या धार्मिक सोहळ्यासाठी सुमारे २००० ते ३००० भाविक भक्त उपस्थित राहतील, असा अंदाज व्यक्त करण्यात येत आहे.
