पुरंदर प्रतिनिधी :
पुरंदर तालुका मराठी पत्रकार संघाचे संस्थापक तसेच पत्रकारिता क्षेत्रात उल्लेखनीय कार्य करणारे दैनिक सकाळचे ज्येष्ठ पत्रकार दत्ता नाना भोंगळे यांना अखिल भारतीय मराठी साहित्य परिषदेच्या वतीने राज्यस्तरीय “पत्रकार रत्न” पुरस्कार जाहीर करण्यात आला आहे.
पत्रकारिता क्षेत्रातील त्यांच्या उल्लेखनीय योगदानाची दखल घेत हा सन्मान प्रदान करण्यात येणार असल्याची घोषणा धाराशिव येथे आयोजित साहित्य संमेलनाच्या आढावा बैठकीत करण्यात आली. निवडीचे पत्र अखिल भारतीय मराठी साहित्य परिषदेचे राष्ट्रीय अध्यक्ष Dr. Sharad Gore यांनी प्रदान केले.
सदर पुरस्काराचे वितरण २९ मे २०२६ रोजी धाराशिव येथे होणाऱ्या ३२ व्या अखिल भारतीय नवोदित मराठी साहित्य संमेलनाच्या उद्घाटन सोहळ्यात सकाळी ११ वाजता महाराष्ट्राच्या उपमुख्यमंत्री Sunetra Ajit Pawar यांच्या हस्ते करण्यात येणार आहे.
धाराशिव येथे झालेल्या बैठकीस राष्ट्रीय विश्वस्त ज्ञानेश्वर पतंगे, मराठवाडा प्रदेशाध्यक्ष परमेश्वर पालकर, मराठवाडा उपाध्यक्ष तुकाराम गंगावणे आदी मान्यवर उपस्थित होते.
दत्ता भोंगळे यांच्या या निवडीबद्दल पत्रकार, साहित्यिक आणि विविध क्षेत्रातील मान्यवरांकडून त्यांच्यावर अभिनंदनाचा वर्षाव होत आहे.
