चाकूर | प्रतिनिधी :
चाकूर येथील राष्ट्रीय काँग्रेस पक्षाचे माजी तालुकाप्रमुख श्री. विलासरावजी पाटील चाकूरकर यांनी रक्तदान हेच श्रेष्ठ दान असल्याचा संदेश देत आपल्या जीवनातील ७५ वे रक्तदान करून समाजापुढे प्रेरणादायी आदर्श निर्माण केला आहे.
भालचंद्र ब्लड बँक, लातूर येथे दि. २० मे २०२६ रोजी त्यांनी रक्तदान केले. यावेळी त्यांच्यासोबत त्यांचे सुपुत्र ॲड. पृथ्वीराज पाटील उपस्थित होते.
समाजसेवेची आवड आणि गरजू रुग्णांना मदत करण्याची भावना जपत विलासराव पाटील यांनी सातत्याने रक्तदान चळवळीत सक्रिय सहभाग नोंदवला आहे. त्यांच्या या उल्लेखनीय कार्याबद्दल चाकूर तालुक्यात विविध स्तरांतून त्यांचे अभिनंदन व कौतुक करण्यात येत आहे.
“रक्तदान हे जीवनदान आहे. प्रत्येक निरोगी व्यक्तीने नियमित रक्तदान करून समाजाप्रती आपले कर्तव्य पार पाडावे,” असा संदेशही त्यांनी यावेळी दिला.
