📍 सातारा – पाचगणी | प्रतिनिधी :
पीपल्स रिपब्लिकन पार्टी पुरस्कृत राष्ट्रीय मजदूर सेनेच्या सातारा जिल्हा उपाध्यक्षपदी नित्यानंद मोरे (कुमार भाऊ) यांची, तर वाई तालुका अध्यक्षपदी चंद्रकांत रासकर यांची बिनविरोध निवड करण्यात आली.
जगदीप कवाडे हे वाई, पाचगणी आणि महाबळेश्वर दौऱ्यावर असताना अनेक कार्यकर्त्यांनी पीपल्स रिपब्लिकन पार्टी मध्ये जाहीर प्रवेश केला. यावेळी त्यांच्या हस्ते छत्रपती शिवाजी महाराज तसेच डॉ. बाबासाहेब आंबेडकर यांच्या पुतळ्यांना पुष्पहार अर्पण करून अभिवादन करण्यात आले.
ही पदनियुक्ती प्रक्रिया दिनांक २४ मे २०२६ रोजी पाचगणी शासकीय विश्रामगृह येथे पार पडली. यावेळी नव्या पदाधिकाऱ्यांना नियुक्तीपत्र प्रदान करण्यात आले.
कार्यक्रमास अनमोल कांबळे, प्रणित मोरे, अक्षय गायकवाड, आकाश गायकवाड, विजय सातपुते, दादा जाधव, विकी परिहार, बंडा कवाळे, संतोष शेळके यांच्यासह वाई, पाचगणी आणि महाबळेश्वर येथील अनेक कार्यकर्ते उपस्थित होते.
कार्यक्रमाच्या शेवटी उपस्थित कार्यकर्त्यांनी नवनिर्वाचित पदाधिकाऱ्यांचा पुष्पगुच्छ देऊन सत्कार करत अभिनंदन केले.
