दि.२७ मे २०२६ रोजी असलेल्या माता रमाबाई भीमराव आंबेडकर यांच्या ९१ व्या स्मृतिदिनानिमित्त अभंगकार प्रा.अरुण बाबारावजी बुंदेले यांचा ‘ माता रमाई ‘ हा अभंग येथे वाचकांसाठी प्रकाशित करीत आहोत.
अभंग
माता रमाई
रमाने सुखाला । दुःखात शोधले ।।
ओझे तू वाहिले । आनंदाने ।।१।।
होऊनी मुलांची । माय नि माऊली ।।
कष्टाची सावली । पांघरली ।।२।।
जीवन जगता । दुःखावर मात ।।
संकटात शांत । रमा माता ।।३।।
रमाचा संसार । गोवऱ्या विकून ।।
जगणे शिकून । संयमाने ।।४।।
उपाशी दिवस । रमाने काढले ।।
शिक्षण शिकले । परदेशी ।।५।।
बाबासाहेबांच्या । स्वप्नपूर्तीसाठी ।।
पातळाला गाठी । सदोदित ।।६।।
रमाई त्यागाने । बाबा मिळे स्फूर्ती ।।
चोहिकडे कीर्ती । भीमराव ।।७।।
संकटांच्या वेळी । नाही घाबरली ।।
जीवन जगली । कष्टमय ।।८।।
जीवनात त्याग । रमाईने केला ।
जगी घडविला । शिल्पकार ।।९।।
रमाई मातेला । आज स्मृतिदिनी ।।
वंदन करांनी । कोटी कोटी ।।१०।।
राज्यस्तरीय समता गौरव पुरस्कार प्राप्त
अभंगकार
प्रा.अरुण बाबारावजी बुंदेले, अमरावती .८०८७७४८६०९
