गडदरवाडी : प्रतिनिधी
ग्रामपंचायत गडदरवाडीच्या उपसरपंचपदी श्री. राहुल आबासो लकडे यांची बिनविरोध निवड करण्यात आली आहे.
नुकत्याच झालेल्या ग्रामसभेत विद्यमान उपसरपंच सौ. वनिता बजरंग हाके यांनी आपला कार्यकाळ पूर्ण झाल्यानंतर उपसरपंच पदाचा राजीनामा सरपंच व ग्रामसेविका यांच्याकडे सुपूर्द केला होता. त्यानंतर उपसरपंचपदासाठी निवड प्रक्रिया राबविण्यात आली.
आज पार पडलेल्या विशेष ग्रामसभेत श्री. राहुल लकडे यांचा एकमेव अर्ज प्राप्त झाल्याने त्यांची उपसरपंचपदी बिनविरोध निवड घोषित करण्यात आली.
या निवडणूक प्रक्रियेसाठी निवडणूक अधिकारी म्हणून ग्रामसेविका सौ. गावडे यांनी कामकाज पाहिले. यावेळी ग्रामपंचायतीचे सरपंच, सदस्य तसेच ग्रामस्थ मोठ्या संख्येने उपस्थित होते.
श्री. राहुल लकडे यांच्या निवडीबद्दल ग्रामस्थ व विविध स्तरांतून त्यांचे अभिनंदन करण्यात येत आहे.
