प्रतिनिधी
लहानपणीच आई-वडिलांचे छत्र हरपल्यानंतर अत्यंत प्रतिकूल परिस्थितीत जीवनाचा प्रवास करत अनेक संकटांवर मात करणारे आणि आपल्या जिद्द, मेहनत व चिकाटीच्या जोरावर मुंबई पोलीस दलात निवड झालेले कुमार शुभम शिंदे यांचा नुकताच गौरव करण्यात आला.
अत्यंत संघर्षमय परिस्थितीत शिक्षण पूर्ण करून शासकीय सेवेत स्थान मिळविल्याबद्दल उपस्थित मान्यवरांनी शुभम शिंदे यांचे अभिनंदन करत त्यांच्या यशाचा गौरव केला. त्यांच्या यशामुळे ग्रामीण भागातील युवकांना प्रेरणा मिळेल, असा विश्वास यावेळी व्यक्त करण्यात आला.
या कौतुक सोहळ्यास संजय नाना साळुंखे (माजी सभापती, कोरेगाव पंचायत समिती), राकेश निकम (माजी चेअरमन, सोसायटी), ग्रामपंचायत सदस्य चंद्रकला गुरव, दादा सपकाळ, सागर लिंबे, संतोष मोरे, विशाल गार्डी, दत्तप्रसाद कदम, विश्वास निकम, समीर निकम, नितीन नेवसे यांच्यासह अनेक मान्यवर उपस्थित होते.
यावेळी उपस्थितांनी शुभम शिंदे यांच्या संघर्षमय जीवनप्रवासाचे कौतुक करत त्यांच्या पुढील सेवाकार्यासाठी शुभेच्छा दिल्या. त्यांच्या यशामुळे परिसरात आनंदाचे वातावरण निर्माण झाले असून युवकांसाठी ते प्रेरणादायी उदाहरण ठरले आहेत.
