कन्नड | प्रतिनिधी
कन्नड शहरातील विविध क्षेत्रांत उल्लेखनीय यश संपादन करणाऱ्या गुणवंत विद्यार्थ्यांचा तसेच त्यांच्या पालकांचा सत्कार लोकनियुक्त नगराध्यक्ष फरीन बेगम अब्दुल जावेद सेठ यांच्या हस्ते करण्यात आला. यावेळी विद्यार्थ्यांना भारतीय संविधानाची उद्देशिका भेट देऊन त्यांचा गौरव करण्यात आला.
या सत्कार समारंभात डॉ. तेजस राणासिंग चव्हाण (एमबीबीएस), डॉ. साजेद निसार शेख (एमबीबीएस), डॉ. रेहान गयास पटेल (एमबीबीएस), सोहेल फैयाज खान (बी.ए.एल.एल.बी.), आदित्य शेखर मोरे तसेच अग्निवीर म्हणून निवड झालेल्या श्री. गोरोबा यांचा पुष्पगुच्छ व स्मृतिचिन्ह देऊन सन्मान करण्यात आला.
यावेळी विद्यार्थ्यांच्या यशामागील योगदानाबद्दल त्यांच्या पालकांचाही गौरव करण्यात आला. यामध्ये डॉ. शामलता चव्हाण, मुमताज शेख निसार, शेखर मोरे, फैयाज खान पटेल, निसार शेख आणि डॉ. राणासिंग चव्हाण यांचा समावेश होता.
कार्यक्रमास राजू कमेटी (शेख), हाजी भाई, संदीप गोगटे, गोकुळ राठोड, अफजल भैया यांच्यासह शहरातील अनेक मान्यवर उपस्थित होते.
नगराध्यक्ष फरीन बेगम अब्दुल जावेद सेठ यांच्या पुढाकाराने तब्बल २५ वर्षांनंतर कन्नड नगरपालिकेच्या वतीने अशा प्रकारचा गुणवंत विद्यार्थी गौरव सोहळा आयोजित करण्यात आला. या उपक्रमाचे शहरातील विविध स्तरांतून स्वागत होत असून नगराध्यक्षांच्या शैक्षणिक प्रोत्साहनपर भूमिकेचे नागरिकांकडून कौतुक केले जात आहे.
