कुरुंदवाड | प्रतिनिधी
श्री पंचगंगा एज्युकेशन अँड चॅरिटेबल ट्रस्ट, अमोल कला, क्रीडा व सांस्कृतिक मंडळ तसेच विठ्ठल मंदिर भैरववाडी वारकरी सांप्रदाय यांच्या संयुक्त विद्यमाने कै. श्री संजय आण्णासो खोत (माजी नगराध्यक्ष) यांच्या स्मृतिप्रीत्यर्थ ज्ञानेश्वरी पारायण व कीर्तन महोत्सव दि. ३ जून ते ९ जून २०२६ या कालावधीत भैरववाडी येथे भक्तिमय वातावरणात आयोजित करण्यात आला आहे.
या महोत्सवात दररोज पहाटे ५ ते ६ वाजता काकडा आरती, सकाळी ६ ते ७ वाजता श्रींची पूजा-अर्चा, सकाळी ७ वाजता ज्ञानेश्वरी पारायण, सायंकाळी ५ ते ६ वाजता हरिपाठ आणि सायंकाळी ६ ते ९ वाजेपर्यंत कीर्तन सेवा आयोजित करण्यात येत आहे.
कीर्तन सेवेसाठी मान्यवर कीर्तनकारांची उपस्थिती
- ३ जून (बुधवार) – ह.भ.प. किशोर भाट (कुरुंदवाड)
- ४ जून (गुरुवार) – ह.भ.प. ईश्वर महाराज सुतार (बुर्ली)
- ५ जून (शुक्रवार) – ह.भ.प. हनुमंत महाराज पवार (अभयनगर)
- ६ जून (शनिवार) – ह.भ.प. अनिल महाराज फल्ले (कराड)
- ७ जून (रविवार) – भागवताचार्य ह.भ.प. विष्णू महाराज चामनर (कराड)
- ८ जून (सोमवार) – ह.भ.प. संजय महाराज काशीद (कारदगा)
- ९ जून (मंगळवार) – ह.भ.प. सुभाष शिंगे महाराज (नागांव)
सेवेकरी मंडळी
या धार्मिक सोहळ्यात व्यासपीठ चालक म्हणून ह.भ.प. बाळासाहेब शिंदे तारदाळकर, चोपदार म्हणून संजय चव्हाण (नांदणी), विणेकरी म्हणून बाबासाहेब रायमाने (नांदणी), मृदंगाचार्य म्हणून शीतल चव्हाण (मजरेवाडी) व कुमार जाधव, गायनाचार्य म्हणून किशोर भाट, गजानन कदम व संजय काटे, तर हार्मोनियम साथीसाठी पांडुरंग सासपडे व कपिल तराळ सेवा देत आहेत.
याशिवाय भजन वेडे ग्रुप, शिरोळ तालुका, तसेच कुरुंदवाड व भैरववाडीतील टाळकरी व वारकरी मंडळी भजन व साथसंगत करीत आहेत.
या महोत्सवाचे संयोजन डॉ. सुनील चव्हाण (माजी नगराध्यक्ष, कु.न.पा.) तसेच अमोल गणेश मंडळातील सर्व सदस्यांनी केले आहे.
अमोल गणेश मंडळ चौक, चव्हाण मळा, भैरववाडी येथे सुरू असलेल्या या सप्ताहात परिसरातील भाविक मोठ्या संख्येने सहभागी होत असून संपूर्ण परिसर भक्तिरसात न्हाऊन निघाला आहे.
