केज प्रतिनिधी :
केज तालुक्यातील आडस येथे लोकमाता राजमाता पुण्यश्लोक अहिल्यादेवी होळकर यांच्या ३०१ व्या जयंतीनिमित्त भव्य मिरवणुकीचे आयोजन करण्यात आले होते. या मिरवणुकीला ग्रामस्थांनी उत्स्फूर्त प्रतिसाद देत मोठ्या श्रद्धा आणि उत्साहात सहभाग नोंदविला.
यावेळी उपस्थित मान्यवरांनी अहिल्यादेवी होळकर यांच्या पुतळ्याचे मनोभावे दर्शन घेत त्यांच्या स्मृतींना अभिवादन केले. तसेच त्यांच्या लोककल्याणकारी, न्यायप्रिय आणि दूरदर्शी नेतृत्वाचा गौरव करत त्यांच्या विचारांचा वारसा जपण्याचा संकल्प व्यक्त करण्यात आला.
कार्यक्रमास अंबा सहकारी साखर कारखान्याचे संचालक ऋषिकेश भैय्या आडसकर, सेवा सहकारी सोसायटीचे चेअरमन उद्धव भाऊ इंगोले यांच्यासह अनेक मान्यवर उपस्थित होते. तसेच जयंती उत्सव समितीचे अध्यक्ष रोहित भैय्या कुकर, उपाध्यक्ष स्वप्निल तागड, सुशील भैय्या होके, रवी भैय्या ढवळे, वैभव तागड, तुकाराम लगसकर, अमोल नेमटे, सारथी न्यूज महाराष्ट्रचे पत्रकार सागर भैय्या काळे यांच्यासह विविध पदाधिकारी, लोकप्रतिनिधी आणि ग्रामस्थ मोठ्या संख्येने सहभागी झाले होते.
अहिल्यादेवी होळकर यांच्या जयंतीनिमित्त आयोजित या सोहळ्यात उपस्थितांनी त्यांच्या प्रतिमेस पुष्पहार अर्पण करून आदरांजली वाहिली. समाजहितासाठी केलेले त्यांचे कार्य आणि आदर्श शासनपद्धती पुढील पिढ्यांपर्यंत पोहोचविण्याचा निर्धार यावेळी व्यक्त करण्यात आला.
कार्यक्रम उत्साहपूर्ण वातावरणात पार पडला असून, अहिल्यादेवी होळकर यांच्या कार्याला अभिवादन करत त्यांच्या विचारांचे स्मरण करण्यात आले.
