पंढरपूर : प्रतिनिधी
पंढरपूर तालुक्यातील आढीव येथील जिल्हा परिषद शाळेत शैक्षणिक वर्ष २०२६-२७ च्या प्रारंभी इयत्ता पहिलीत प्रवेश घेतलेल्या नवागत विद्यार्थ्यांचे उत्साहपूर्ण वातावरणात स्वागत करण्यात आले.
यावेळी विद्यार्थ्यांच्या स्वागतासाठी विशेष कार्यक्रमाचे आयोजन करण्यात आले होते. पालक, शिक्षक आणि ग्रामस्थ मोठ्या संख्येने उपस्थित होते. आढीव येथील जिव्हाळा ग्रुपच्या वतीने विद्यार्थ्यांना वही, शिसपेन्सिल, शार्पनर तसेच खाऊ वाटप करून शुभेच्छा देण्यात आल्या.
या कार्यक्रमावेळी गावकरी तानाजी चव्हाण, सोमनाथ चव्हाण, परमेश्वर चव्हाण, उमेश जाधव, देवा चव्हाण, धनाजी वसेकर, महादेव पवार आदी उपस्थित होते. तसेच सोमनाथ गोरे, आबा चव्हाण, उमेश धुमाळ, सोमनाथ घोगरे, नितीन चव्हाण यांच्यासह ग्रामस्थांनी कार्यक्रमात सहभाग घेतला.
नवीन शैक्षणिक वर्षाच्या पहिल्याच दिवशी विद्यार्थ्यांमध्ये आनंदाचे आणि उत्साहाचे वातावरण पाहायला मिळाले.
