माहूर तालुक्यासह शहरात वीर शिरोमणी महाराणा प्रताप सिंह यांची जयंती मोठ्या उत्साहात साजरी करण्यात आली. शहरातील महाराणा कम्प्युटर टायपिंग इन्स्टिट्यूट येथे मान्यवर आणि विद्यार्थ्यांच्या उपस्थितीत कार्यक्रम पार पडला.
आबासाहेब पारवेकर नगर येथील संस्थेमध्ये संचालक नयनसिंह राठोड यांच्या प्रमुख उपस्थितीत महाराणा प्रताप सिंह यांच्या तैलचित्राचे पूजन करण्यात आले. श्री दत्तकृपा प्रतिष्ठानचे संचालक विजय भाऊ कांबळे यांच्या हस्ते पूजनाचा कार्यक्रम पार पडला. यावेळी शहरात महाराणा प्रताप यांच्या तैलचित्राची भव्य मिरवणूकही काढण्यात आली.
कार्यक्रमात विद्यार्थ्यांना प्राचार्य मेघाताई मनवर यांच्या हस्ते महाप्रसाद वाटप करण्यात आले. जयंतीनिमित्त विद्यार्थ्यांमध्ये उत्साहाचे वातावरण पाहायला मिळाले.
या कार्यक्रमाला सुमेरसिंह ठाकूर, अर्जुन पवार, बंडू राठोड, दयाळू जाधव, सानिका मोहुरले, रचना जनगमवार, पूजा दुधे, हर्षदा तोडसाम, ऐश्वर्या दुधे, रोशनी भवरे, सुप्रिया भवरे, आदित्य पांडे, वैभव राठोड, मुकेश ठाकूर, आदर्श दुधे, समाधान जाधव, शिवरुद्र जोशी, शौर्य दीक्षित, तेजस्वी कांबळे, दीक्षा कांबळे, कल्याणी गवळी, अस्मिता गवळी, श्वेता ठाकूर, निशिगंधा डहाके, रमेश वायकुळे यांच्यासह अनेक मान्यवर आणि विद्यार्थी उपस्थित होते.
