शिरपूर | प्रतिनिधी :
शौर्य, स्वाभिमान आणि राष्ट्रनिष्ठेचे प्रतीक असलेल्या महाराणा प्रताप यांच्या जयंतीनिमित्त शिरपूर येथे युवा क्रांती पोलीस मित्र संघटनेच्या वतीने अभिवादन कार्यक्रमाचे आयोजन करण्यात आले. यावेळी महाराणा प्रताप यांच्या प्रतिमेस पुष्पहार अर्पण करून त्यांच्या कार्याला विनम्र अभिवादन करण्यात आले.
संस्थापक व राष्ट्रीय अध्यक्ष रविंद्र सूर्यवंशी यांच्या मार्गदर्शनाखाली आयोजित करण्यात आलेल्या या कार्यक्रमात युवा क्रांती पोलीस मित्र शिरपूर तालुक्याची संपूर्ण टीम व पदाधिकारी मोठ्या संख्येने सहभागी झाले होते. समाजसेवा, जनजागृती आणि नागरिकांच्या हितासाठी संघटना सातत्याने कार्यरत असून महाराणा प्रताप यांच्या विचारांपासून प्रेरणा घेऊन कार्य करण्याचा संकल्प यावेळी व्यक्त करण्यात आला.
कार्यक्रमास गिरीश मोरे, अशोक महाराज, गणेश बारी, नितीन कुवर, प्रवीण पाटील, चंद्रशेखर सोनवणे, ईश्वर कुंभार, चंद्रकांत गोपाळ, मयूर चौधरी, कृष्णा राजपूत यांच्यासह अनेक कार्यकर्ते व पदाधिकारी उपस्थित होते. उपस्थितांनी महाराणा प्रताप यांच्या शौर्य, पराक्रम आणि राष्ट्रनिष्ठेच्या आदर्शांवर प्रकाश टाकला.
यावेळी शिरपूर तालुक्याचे पोलीस निरीक्षक किशोर परदेशी यांनी युवा क्रांती पोलीस मित्र संघटनेच्या कार्याचे विशेष कौतुक केले. त्यांनी आपल्या मनोगतात सांगितले की, “युवा क्रांतीची टीम अतिशय चांगले आणि समाजोपयोगी काम करत आहे. भविष्यातही असेच कार्य सुरू ठेवावे. समाजासाठी केलेले योगदान प्रेरणादायी आहे.”
त्यांच्या या गौरवोद्गारांमुळे उपस्थित कार्यकर्त्यांचा उत्साह द्विगुणित झाला. युवा क्रांती पोलीस मित्र संघटनेच्या वतीने सामाजिक, शैक्षणिक, जनजागृती, पर्यावरण व नागरिक कल्याणाशी संबंधित विविध उपक्रम राबविले जात असल्याची माहिती यावेळी देण्यात आली.
महाराणा प्रताप जयंतीनिमित्त आयोजित हा कार्यक्रम राष्ट्रभक्ती, स्वाभिमान आणि समाजसेवेचा संदेश देणारा ठरला. कार्यक्रमाच्या यशस्वी आयोजनाबद्दल संस्थापक व राष्ट्रीय अध्यक्ष रविंद्र सूर्यवंशी यांचे मार्गदर्शन तसेच शिरपूर तालुका युवा क्रांती पोलीस मित्र टीमच्या कार्याचे उपस्थितांनी कौतुक केले.
