हातकणंगले | प्रतिनिधी :
हातकणंगले तालुक्यातील हुपरी नगरपरिषदेच्या प्रभाग क्रमांक ९ मधून ओबीसी प्रवर्गातून निवडून आलेल्या भाजपच्या नगरसेविका सौ. माधुरी सुनील मुधाळे यांच्या धनगर जातीच्या दाखल्याबाबत महत्त्वपूर्ण निर्णय समोर आला आहे. १९५६ पूर्वीचे आवश्यक पुरावे सादर न झाल्याने आज झालेल्या सुनावणीत त्यांचा जातीचा दाखला अवैध ठरवण्यात आला आहे. त्यामुळे हुपरीच्या राजकारणात मोठी खळबळ उडाली आहे.
या प्रकरणी विरोधी उमेदवार श्रुतिका सचिन मुधाळे यांनी तक्रार दाखल केली होती. सुनावणीदरम्यान ॲड. भीमसेन कांबळे यांनी तक्रारदारांची बाजू मांडली.
या निर्णयामुळे हुपरीतील राजकीय घडामोडींना वेग येण्याची शक्यता व्यक्त केली जात असून, पुढील राजकीय व प्रशासकीय हालचालींकडे नागरिकांचे लक्ष लागले आहे.
