प्रतिनिधी :
बार्शी टाकली, दि. 19 जून 2026 : अकोला जिल्ह्याच्या जिल्हाधिकारी वर्षा मीना यांनी आज बार्शी टाकली येथील ग्रामीण रुग्णालयाला भेट देत प्रत्यक्ष पाहणी केली. यावेळी रुग्णालयातील डॉक्टर, कर्मचारी तसेच नागरिक उपस्थित होते.
पाहणीदरम्यान समाजसेवक अब्दुल समद शेख यांनी जिल्हाधिकाऱ्यांना रुग्णालयातील विविध समस्या, अपुऱ्या सुविधा आणि रुग्णांना होत असलेल्या अडचणींबाबत माहिती दिली. रुग्णालयात आवश्यक सुविधा उपलब्ध करून देण्याची मागणीही यावेळी करण्यात आली.
जिल्हाधिकारी वर्षा मीना यांनी परिस्थितीची गंभीर दखल घेत संबंधित अधिकाऱ्यांना आवश्यक सुधारणा करण्याच्या सूचना दिल्या. तसेच रुग्णालयातील आरोग्य सेवा अधिक प्रभावी व दर्जेदार करण्यासाठी तातडीने उपाययोजना करण्यात येतील, असे संकेत त्यांनी दिले.
यावेळी जिल्हाधिकाऱ्यांनी रुग्णालयातील विविध विभागांची पाहणी करून डॉक्टर व कर्मचाऱ्यांशी संवाद साधला. तसेच नागरिकांच्या अडचणी जाणून घेत प्रशासनाच्या माध्यमातून त्या सोडविण्यासाठी प्रयत्न करण्यात येतील, असे आश्वासन दिले.
