प्रतिनिधी :
अकोला जिल्हा जात प्रमाणपत्र पडताळणी समितीने बार्शी टाकळी नगरपंचायतीतील चार सदस्यांचे जात वैधता प्रमाणपत्र अमान्य ठरविल्याची माहिती समोर आली आहे. समितीच्या आदेशानंतर संबंधित सदस्यांची नगरपंचायत सदस्यता रद्द करण्यात आल्याचे सांगितले जात आहे.
अमान्य ठरलेले सदस्य पुढीलप्रमाणे आहेत :
- प्रभाग क्र. १ – मोहम्मद जफर मोहम्मद हाशम
- प्रभाग क्र. ८ – शहाना अंजुम मोहम्मद अजहर हुसेन
- प्रभाग क्र. १२ – मुमताज बी मोहम्मद सिद्दीक
- प्रभाग क्र. १४ – सफिया बेगम मोहम्मद रफीक
जात वैधता प्रमाणपत्र अमान्य ठरल्यामुळे संबंधित सदस्यांचे सदस्यत्व रद्द करण्यात आल्याची चर्चा राजकीय वर्तुळात सुरू झाली असून या निर्णयामुळे बार्शी टाकळी नगरपंचायतीत खळबळ उडाली आहे.
दरम्यान, रिक्त झालेल्या जागांवर पुढील कायदेशीर प्रक्रिया काय होणार, तसेच नव्याने निवडणूक घेण्यात येणार का, याकडे नागरिकांचे लक्ष लागले आहे. या निर्णयानंतर स्थानिक राजकारणात नव्या घडामोडींना वेग येण्याची शक्यता व्यक्त केली जात आहे.
