चांदुर रेल्वे, जि. अमरावती :
स्थानिक राजर्षी शाहू सायन्स कॉलेज, चांदुर रेल्वे येथे राष्ट्रीय छात्र सेना (NCC), शारीरिक शिक्षण विभाग व राष्ट्रीय सेवा योजना (NSS) यांच्या संयुक्त विद्यमाने रविवार, दि. २१ जून २०२६ रोजी १२ वा आंतरराष्ट्रीय योग दिन उत्साहात साजरा करण्यात आला. यावर्षीचा योग दिन “निरोगी वृद्धत्वासाठी योग” या संकल्पनेवर आधारित होता.
कार्यक्रमात मा. श्री. राहुल खोपे यांनी सहजयोगाच्या माध्यमातून शरीरातील विविध भावचक्रे व त्यांच्या कार्याविषयी सखोल मार्गदर्शन केले. तसेच योगाच्या माध्यमातून मानसिक व शारीरिक स्वास्थ्याची अनुभूतीही उपस्थितांना करून दिली.
यावेळी शारीरिक शिक्षण विभागाचे संचालक प्रा. असलम खान यांनी विविध योगासने सादर करून विद्यार्थ्यांना योगाचे महत्त्व पटवून दिले. तसेच एनसीसी कॅडेट शौर्य रंगारी यांनी विविध योगासनांची प्रभावी प्रात्यक्षिके सादर करून उपस्थितांना मंत्रमुग्ध केले.
कार्यक्रमाचे संचालन प्रा. डॉ. एस. एस. पाढेण, CTO राष्ट्रीय छात्र सेना यांनी केले. महाविद्यालयाचे प्राचार्य डॉ. पराग वडनेरकर यांच्या मार्गदर्शनाखाली कार्यक्रमाचे आयोजन करण्यात आले.
कार्यक्रमाच्या यशस्वीतेसाठी प्रा. डॉ. असलम खान, संचालक शारीरिक शिक्षण विभाग, प्रा. डॉ. गजानन संतापे, कार्यक्रम अधिकारी राष्ट्रीय सेवा योजना तसेच प्रा. डॉ. एस. एस. पाढेण यांनी विशेष परिश्रम घेतले.
या कार्यक्रमाला महाविद्यालयातील प्राध्यापक, शिक्षक व शिक्षकेतर कर्मचारी, स्वयंसेवक विद्यार्थी तसेच एनसीसी कॅडेट मोठ्या संख्येने उपस्थित होते.
