पुरंदर | प्रतिनिधी :
पुरंदर तालुक्यातील बोपगाव येथे नवनाथ देवस्थान पंचायत कमिटी ट्रस्टच्या वतीने सामाजिक बांधिलकी जपत शालेय विद्यार्थ्यांना वह्यांचे वाटप करण्यात आले. पंचक्रोशीतील विविध शाळांमधील विद्यार्थ्यांसाठी हा उपक्रम राबविण्यात आला.
या उपक्रमांतर्गत जिल्हा परिषद प्राथमिक शाळा बोपगाव, नवनाथवाडी, गणेशवाडी रायत्तावस्ती तसेच सद्गुरू कानिफनाथ माध्यमिक विद्यालयातील विद्यार्थ्यांना शालेय वह्यांचे वितरण करण्यात आले.
कार्यक्रमास बापूराव महादेव फडतरे, एकनाथ यादव फडतरे, कृषी उत्पन्न बाजार समितीचे सभापती संदीप सुधाकर फडतरे, बोपगावचे माजी सरपंच राजेंद्र अर्जुन फडतरे, नवनाथ देवस्थान पंचायत कमिटी ट्रस्टचे उपाध्यक्ष दीपक किसनराव फडतरे, खजिनदार नागेश भानुदास फडतरे, माजी खजिनदार शिवाजीनाना जगदाळे, संचालक महादेव हरिचंद्र फडतरे, नितीन गणपत फडतरे, सुनील नानासाहेब फडतरे, शंकर बापूराव फडतरे, रमेश बापूसाहेब फडतरे, सोनबा कान्हू फडतरे, उद्योजक शंकरकाका फडतरे, सेवानिवृत्त शिक्षक चंद्रकांत मोरे आदींसह ग्रामस्थ, शिक्षकवृंद व विद्यार्थी उपस्थित होते.
यावेळी उपस्थित मान्यवरांनी विद्यार्थ्यांना शिक्षणाचे महत्त्व पटवून देत अभ्यासात प्रगती करण्याचे आवाहन केले. ग्रामीण भागातील विद्यार्थ्यांना शैक्षणिक साहित्य उपलब्ध करून देण्यासाठी अशा सामाजिक उपक्रमांची गरज असल्याचे मत उपस्थितांनी व्यक्त केले.
