विखरणी, ता. येवला, जि. नाशिक येथील लक्ष्मी इंग्लिश मिडीयम पब्लिक School अँड ज्युनियर कॉलेज येथे १२वा आंतरराष्ट्रीय योग दिवस मोठ्या उत्साहात आणि आनंदी वातावरणात साजरा करण्यात आला.
या कार्यक्रमास संस्थेचे अध्यक्ष डॉ. मोहनजी शेलार सर तसेच संस्थेच्या सेक्रेटरी सौ. ज्योती शेलार मॅडम यांची प्रमुख उपस्थिती लाभली.
कार्यक्रमाची सुरुवात योगाच्या महत्त्वाविषयी माहिती देऊन करण्यात आली. यावेळी शाळेचे प्राचार्य व योगशिक्षक भास्कर खेमनर सर यांनी विद्यार्थ्यांना योगाचे शारीरिक, मानसिक आणि बौद्धिक आरोग्यासाठी असलेले महत्त्व समजावून सांगितले.
नियमित योगाभ्यासामुळे शरीर निरोगी राहते, मन शांत व एकाग्र होते तसेच जीवनशैलीमध्ये सकारात्मक बदल घडतात, असे मार्गदर्शन त्यांनी विद्यार्थ्यांना केले.
यानंतर योगशिक्षक भास्कर खेमनर सर यांनी विद्यार्थ्यांना विविध योगासने व प्राणायामाचे प्रात्यक्षिक करून दाखवले. विद्यार्थ्यांनी उत्स्फूर्त सहभाग घेत विविध आसने व योगक्रिया प्रत्यक्ष करून पाहिल्या. योगाभ्यास करताना विद्यार्थ्यांमध्ये मोठा उत्साह आणि शिस्त दिसून आली.
या कार्यक्रमाला शाळेतील सर्व शिक्षक, शिक्षकेतर कर्मचारी तसेच ज्युनियर केजी ते इयत्ता दहावीपर्यंतचे विद्यार्थी-विद्यार्थिनी मोठ्या संख्येने उपस्थित होते. संपूर्ण परिसर योगमय वातावरणाने भारावून गेला होता.
आंतरराष्ट्रीय योग दिनाच्या निमित्ताने विद्यार्थ्यांमध्ये निरोगी जीवनशैली, शारीरिक तंदुरुस्ती आणि योगाबद्दल जागरूकता निर्माण करण्याचा सुंदर उपक्रम शाळेच्या वतीने राबविण्यात आला.
“योग करा, निरोगी रहा” या संदेशाने कार्यक्रमाची सांगता करण्यात आली.
