१६ वर्षांपासून फरार असलेला आरोपीही जेरबंद
श्रीगोंदा प्रतिनिधी
माननीय पोलीस अधीक्षक यांच्या विशेष पाहिजे व फरार आरोपी शोध मोहिमेअंतर्गत श्रीगोंदा पोलिसांनी मागील सात दिवसांत आठ फरार आरोपींना अटक करण्यात यश मिळवले आहे. यामध्ये तब्बल १६ वर्षांपासून फरार असलेल्या आरोपीचाही समावेश आहे.
दि. २४ जून २०२६ रोजी मा. श्रीगोंदा न्यायालयातील RCC No. 205/2010 मधील पाहिजे आरोपी आप्पासाहेब ऊर्फ अण्णासाहेब लक्ष्मण पुराने (वय ६०, रा. म्हातारपिंपरी, ता. श्रीगोंदा) याच्याबाबत गुप्त माहिती पोलिस निरीक्षक संजय ठेंगे यांना प्राप्त झाली होती.
त्यानंतर श्रीगोंदा पोलीस पथकाने तांत्रिक विश्लेषण करून सापळा रचत संबंधित आरोपीला ताब्यात घेत अटक केली. सदर आरोपी मागील १६ वर्षांपासून श्रीगोंदा पोलिस व गुन्हे शोध पथकाला गुंगारा देत होता.
ही कारवाई मुम्मका सुदर्शन, वैभव कलुबुर्मे आणि शिरीष वमने यांच्या मार्गदर्शनाखाली करण्यात आली.
पोलिस निरीक्षक संजय ठेंगे यांच्या नेतृत्वाखाली पो.स.ई. मोहिते, पो.ना. गहिनीनाथ यादव, पो.कॉ. संदीप राऊत, पो.कॉ. विवेक दळवी, पो.कॉ. महादेव कोहक, देवेंद्र पळसे तसेच लोणी व्यंकनाथ बिट अंमलदार पो.हे.कॉ. अविनाश काटकर आणि पो.कॉ. तोरडमल यांनी या कारवाईत सहभाग घेतला.
