अमरावती ग्रामीण | प्रतिनिधी
मा. पोलीस अधीक्षक अमरावती ग्रामीण निकेतन कदम यांनी पोलीस स्टेशन हद्दीत वरळी जुगार, अवैध दारू विक्री, गावठी हातभट्टी, अवैध रेती उत्खनन, गोवंश वाहतूक तसेच गुटखा विक्री व वाहतुकीविरोधात कठोर कारवाई करण्याचे आदेश सर्व ठाणेदारांना दिले आहेत.
त्या अनुषंगाने दि. २२ जून २०२६ रोजी मिळालेल्या गुप्त माहितीच्या आधारे खोलापूर पोलीसांनी धामोरी येथील शाम मोहन मिश्रा (वय ३९ वर्षे, रा. धामोरी, ता. भातकुली, जि. अमरावती) यांच्या घरावर छापा टाकला. झडतीदरम्यान शासन प्रतिबंधित गुटखा व सुगंधित तंबाखूचा साठा आढळून आला.
कारवाईदरम्यान खालील मुद्देमाल जप्त करण्यात आला :
१) बाजीराव गोल्ड पान मसाला – २० पॅकेट
२) मस्तानी सुगंधी मसाला
३) सुगंधित तंबाखू – ५ पॅकेट
जप्त करण्यात आलेल्या मालाची एकूण किंमत अंदाजे ४ हजार ५४० रुपये असल्याचे पोलिसांनी सांगितले.
याप्रकरणी खोलापूर पोलीस स्टेशन येथे अपराध क्रमांक ११०/२०२६ दाखल करण्यात आला असून अन्न सुरक्षा व मानके कायदा २००६ चे कलम ५९ तसेच बीएनएससी अंतर्गत कलम २२३, २७४, २७५ व १२३ नुसार गुन्हा नोंदविण्यात आला आहे.
ही कारवाई मा. पोलीस अधीक्षक निकेतन कदम यांच्या आदेशानुसार, मा. अप्पर पोलीस अधीक्षक दत्ता तोटेवाड व मा. उपविभागीय पोलीस अधिकारी सतीश कुलकर्णी यांच्या मार्गदर्शनाखाली खोलापूर पोलीस स्टेशनचे एपीआय अनुप वाकडे यांनी केली.
