सावली | दि. २५ जून २०२६
आंतरराष्ट्रीय अंमली पदार्थ आणि अवैध तस्करी विरोधी दिनानिमित्त दि. २५ जून २०२६ रोजी दुपारी २ वाजता दिवाणी व फौजदारी न्यायालय, सावली येथे कायदेविषयक जनजागृती कार्यक्रम उत्साहात संपन्न झाला.
या कार्यक्रमास मा. न्यायाधीश श्री. आदित्य अजय चव्हाण, तालुका बार असोसिएशन सावलीचे अध्यक्ष अॅड. बी. टी. लाडे, पोलीस स्टेशन सावलीचे पी.आय. पुलुरवार, अॅड. पी. पी. शेंडे, अधिवक्ता, पक्षकार तसेच न्यायालयीन कर्मचारी मोठ्या संख्येने उपस्थित होते.
कार्यक्रमादरम्यान मा. न्यायाधीश श्री. आदित्य चव्हाण यांनी अंमली पदार्थांच्या वाढत्या विळख्याबाबत चिंता व्यक्त करत युवकांनी व्यसनापासून दूर राहण्याचे आवाहन केले. त्यांनी समाजात व्यसनमुक्तीबाबत जागरूकता निर्माण करण्याची गरज अधोरेखित केली.
तालुका बार असोसिएशनचे अध्यक्ष अॅड. बी. टी. लाडे यांनी NDPS कायद्यातील विविध तरतुदींवर सविस्तर मार्गदर्शन केले. तर पी.आय. पुलुरवार यांनी अंमली पदार्थांच्या अवैध तस्करीविरोधात पोलिसांची भूमिका स्पष्ट केली.
अॅड. पी. पी. शेंडे यांनी व्यसनामुळे होणारे सामाजिक व कौटुंबिक दुष्परिणाम विषद करत समाजाने एकत्र येऊन व्यसनमुक्तीसाठी प्रयत्न करण्याचे आवाहन केले.
या कार्यक्रमातून व्यसनमुक्त समाज घडविण्याचा प्रभावी संदेश देण्यात आला.
