कुरुंदवाड | प्रतिनिधी :
सोमवार, दिनांक 29 जून 2026 रोजी साने गुरुजी शिक्षण संस्था कुरुंदवाड संचलित साने गुरुजी विद्यालय येथे तालुका विधी सेवा समिती, कुरुंदवाड यांच्या वतीने शालेय विद्यार्थ्यांसाठी विशेष जनजागृती शिबिराचे आयोजन करण्यात आले.
या शिबिरामध्ये कुरुंदवाड न्यायालयाचे न्यायाधीश मा. श्री. बाळासाहेब गायकवाड, बार असोसिएशनचे अध्यक्ष ॲड. श्री. प्रकाश आवटी, तसेच ॲड. गोरवाडे, ॲड. पाटील, ॲड. कुलकर्णी आदी मान्यवर उपस्थित होते. प्रारंभी विद्यालयाचे मुख्याध्यापक श्री. किरण पाटील यांनी उपस्थित मान्यवरांचा सत्कार करून स्वागत केले.
कार्यक्रमाचे स्वागत व प्रास्ताविक ॲड. कुलकर्णी यांनी केले. यानंतर ॲड. गोरवाडे यांनी “अमली पदार्थांचा गैरवापर व अवैध तस्करी” या विषयावर सविस्तर मार्गदर्शन करत विद्यार्थ्यांना याबाबत जागरूक राहण्याचे आवाहन केले.
अध्यक्षीय भाषणात न्यायाधीश मा. श्री. बाळासाहेब गायकवाड यांनी विद्यार्थ्यांना अमली पदार्थांपासून दूर राहण्याचा सल्ला दिला. त्यांनी विद्यार्थ्यांनी आपल्या मर्यादेत राहून शिक्षणावर लक्ष केंद्रित करावे तसेच अनोळखी व्यक्तींच्या प्रलोभनांपासून सावध राहावे, असे आवाहन केले.
या शिबिरास विद्यालयातील विद्यार्थी-विद्यार्थिनी, शिक्षक व शिक्षकेतर कर्मचारी मोठ्या संख्येने उपस्थित होते. कार्यक्रमाचे सूत्रसंचालन श्री. मुल्ला सर यांनी केले तर आभार प्रदर्शन श्री. मस्के सर यांनी केले.
या शिबिरामुळे विद्यार्थ्यांमध्ये अमली पदार्थांबाबत जनजागृती निर्माण झाली असून अशा उपक्रमांचे महत्त्व अधोरेखित झाले आहे.
