ऐतवडे बुद्रुक : राष्ट्रीय पल्स पोलिओ अभियानांतर्गत ऐतवडे बुद्रुक येथील आरोग्य उपकेंद्रात अभियानाचा शुभारंभ उत्साहपूर्ण वातावरणात संपन्न झाला. या अभियानाचे उद्घाटन जिल्हा परिषद सदस्य मा. श्री. जयराज पाटील व पंचायत समिती सदस्य मा. श्री. शिवाजी माळी यांच्या शुभहस्ते बालकास पोलिओचे दोन थेंब पाजून करण्यात आले.
यावेळी प्राथमिक आरोग्य केंद्र चिकूर्डेचे प्रभारी वैद्यकीय अधिकारी डॉ. संदीप कोडग यांनी पोलिओमुक्त भारतासाठी पाच वर्षांखालील प्रत्येक बालकाला पोलिओची मात्रा देणे अत्यंत आवश्यक असल्याचे सांगत पालकांना आवाहन केले.
या प्रसंगी आरोग्य सहाय्यक श्री. एन. एन. भोसले, आरोग्य सहाय्यिका श्रीमती सी. आर. भोई, श्रीमती एन. एस. तांबोळी तसेच आरोग्य विभागातील सर्व कर्मचारी व आशा सेविका उपस्थित होत्या. उपस्थित मान्यवरांनी पालकांना आपल्या परिसरातील सर्व पात्र बालकांना पोलिओची मात्रा देऊन अभियान यशस्वी करण्याचे आवाहन केले.
राष्ट्रीय पल्स पोलिओ अभियानाच्या यशस्वी अंमलबजावणीसाठी आरोग्य विभागाने व्यापक नियोजन केले असून, संपूर्ण परिसरात लसीकरण मोहिम प्रभावीपणे राबवली जात आहे.
