प्रतिनिधी | वर्धा
वर्धा जिल्हा पोलीस दलात प्रदीर्घ आणि निष्कलंक सेवा बजावून ६ पोलीस अधिकारी व अंमलदार दि. ३० जून २०२६ रोजी वयोमानानुसार सेवानिवृत्त झाले. या सर्व सेवानिवृत्त सहकाऱ्यांचा निरोप समारंभ पोलीस अधीक्षक कार्यालय, वर्धा येथील ‘क्राईम मीटिंग हॉल’मध्ये भावपूर्ण वातावरणात संपन्न झाला.
या निरोप समारंभाला सेवानिवृत्त अधिकारी, कर्मचारी आणि त्यांचे कुटुंबीय उपस्थित होते. कार्यक्रमादरम्यान पोलीस दलातील वरिष्ठ अधिकाऱ्यांच्या हस्ते सर्व सेवानिवृत्तांचा शाल, श्रीफळ आणि स्मृतिचिन्ह देऊन गौरव करण्यात आला.
सेवानिवृत्त अधिकारी व अंमलदारांची नावे पुढीलप्रमाणे :
१) श्रेणी पोलीस उपनिरीक्षक करूणा मुसळे (पोलीस स्टेशन हिंगणघाट)
२) श्रेणी पोलीस उपनिरीक्षक राजेश ठाकरे (पोलीस स्टेशन गिरड)
३) श्रेणी पोलीस उपनिरीक्षक विजय कडु (ATB)
४) श्रेणी पोलीस उपनिरीक्षक नारायण काळे (पोलीस स्टेशन सेलू)
५) श्रेणी पोलीस उपनिरीक्षक विवेकानंद धनुले (सावंगी)
६) सफौ वासुदेव तायवाडे (पोलीस स्टेशन कारंजा)
समारंभादरम्यान वरिष्ठ अधिकाऱ्यांनी सेवानिवृत्त कर्मचाऱ्यांच्या कार्याचा गौरव केला. “पोलीस दलात सेवा बजावताना कुटुंबाची पर्वा न करता अहोरात्र जनतेच्या सुरक्षेसाठी कार्य करणाऱ्या या सहकाऱ्यांचे योगदान वर्धा पोलीस दल सदैव स्मरणात ठेवेल,” अशा भावना यावेळी व्यक्त करण्यात आल्या.
उपस्थितांनी सर्व सेवानिवृत्त कर्मचाऱ्यांना पुढील कौटुंबिक, सामाजिक आणि निरामय आयुष्यासाठी शुभेच्छा दिल्या. या प्रसंगी पोलीस दलातील अधिकारी, कर्मचारी, सेवानिवृत्तांचे नातेवाईक आणि मित्रपरिवार मोठ्या संख्येने उपस्थित होते.
