माळशिरस तालुक्यातील चांदापुरी येथील रहिवासी दीपक जगदाळे यांचे चिरंजीव अनिकेत रूपाली दीपक जगदाळे यांची इंडियन आर्मी (GD) पदावर निवड झाली आहे.
शेतकरी कुटुंबातील अनिकेत यांनी छत्रपती शिवाजी महाराजांचे विचार मनात ठेवत देशसेवेचा मार्ग स्वीकारला आहे. जिद्द, मेहनत आणि आई-वडिलांच्या कष्टाची जाणीव ठेवून त्यांनी वर्दीचे स्वप्न पूर्ण केले.
अनिकेत यांच्या या यशामुळे चांदापुरी गावासह परिसरातून त्यांच्यावर शुभेच्छांचा वर्षाव होत आहे. गावात ठिकठिकाणी बॅनर लावून आनंद व्यक्त केला जात असून, त्यांच्या यशामुळे युवकांसमोर एक प्रेरणादायी आदर्श निर्माण झाला आहे.
अनिकेत जगदाळे यांच्या यशाबद्दल सर्व स्तरांतून अभिनंदन करण्यात येत आहे.
