शिंगणापूर प्रतिनिधी : लोणारी युवा संघ महाराष्ट्र राज्य या सामाजिक संघटनेच्या वतीने शिंगणापूर येथे युवक-युवती आणि नागरिकांसाठी आर्थिक विकास महामंडळ मार्गदर्शन शिबिराचे आयोजन करण्यात आले. दि. २८ जून २०२६ रोजी आयोजित या शिबिराला नागरिकांचा उत्स्फूर्त प्रतिसाद लाभला.
कार्यक्रमाची सुरुवात लोणारी समाजाचे आराध्य ऋषी श्री लोमेश ऋषी तसेच Maratha Empire संस्थापक Chhatrapati Shivaji Maharaj यांच्या प्रतिमेचे पूजन व दीपप्रज्वलन करून करण्यात आली.
कार्यक्रमाचे सूत्रसंचालन बाळासाहेब संवत्सरकर यांनी केले. उपस्थितांचे स्वागत ऋषिकेश धोक्रट, मयुरेश कुऱ्हे आणि यश कुऱ्हे यांनी केले.
शिबिरामध्ये व्यवसाय कर्ज, उच्च शिक्षण कर्ज, बचत गट कर्ज तसेच वैयक्तिक कर्ज योजनांबाबत मार्गदर्शन करण्यात आले. कार्यक्रम सरपंच डॉ. विजय काळे यांच्या अध्यक्षतेखाली पार पडला. यावेळी उपसरपंच शाम संवत्सरकर, माजी सरपंच कैलास संवत्सरकर, रंगनाथ संवत्सरकर, संजय तुळसकर, दत्तात्रय संवत्सरकर, शेखर कुऱ्हे, प्रमोद संवत्सरकर, समाधान कुऱ्हे, शिवाजी संवत्सरकर आणि मधुकर संवत्सरकर उपस्थित होते.
इतर मागासवर्गीय आर्थिक विकास महामंडळाचे जिल्हा व्यवस्थापक भोसले यांनी विविध शासकीय कर्ज योजनांची सविस्तर माहिती दिली. तसेच निंबाळकर यांनी उपस्थितांच्या प्रश्नांची उत्तरे देत मार्गदर्शन केले.
स्टेट बँकेचे व्यवस्थापक सदाशिव आजगे यांनी बँकिंग प्रक्रिया, बचत गट आणि प्रधानमंत्री विमा योजनांबाबत माहिती दिली. माजी प्राचार्य देविदास इंगळे यांनी विद्यार्थ्यांना शिक्षण आणि करिअरचे महत्त्व समजावून सांगितले.
यावेळी माजी सरपंच यादवराव संवत्सरकर यांनी युवक-युवतींनी शासकीय योजनांचा लाभ घेऊन उद्योग व्यवसाय सुरू करावेत, असे आवाहन केले. तसेच शिंगणापूर येथे वाचनालय, अभ्यासिका आणि मार्गदर्शन केंद्र सुरू करण्याची मागणी करण्यात आली.
पोलीस पाटील प्रशांत आढाव यांनी स्पर्धा परीक्षेसाठी पुस्तके देण्याची घोषणा केली. साई डिजिटल सेवा केंद्रचे सुयोग संवत्सरकर यांनी शासकीय कर्ज योजनांचे फॉर्म भरण्यासाठी सहकार्य केले.
राष्ट्रीय स्तरावरील पॉवर लिफ्टिंग स्पर्धेत प्रथम क्रमांक मिळविल्याबद्दल डॉ. अर्जुन लोणारी यांचा शाल व सन्मानचिन्ह देऊन गौरव करण्यात आला.
संस्थापक अध्यक्ष विजय संवत्सरकर यांनी लोणारी युवा संघाच्या विविध सामाजिक कार्यांची माहिती देत लवकरच “श्री लोमेश ऋषी सार्वजनिक वाचनालय अभ्यासिका” सुरू करण्यात येणार असल्याचे सांगितले. तसेच आमदार Vivek Kolhe यांचे अभिनंदन करून लोणारी समाजाच्या आर्थिक विकास महामंडळासंदर्भातील प्रश्नांबाबत सहकार्य केल्याबद्दल आभार व्यक्त करण्यात आले.
कार्यक्रमाच्या शेवटी मयुरेश कुऱ्हे आणि ओम संवत्सरकर यांनी उपस्थितांचे आभार मानले.
